ທ່ານ Scott Bessent ລັດຖະມົນຕີກະຊວງການເງິນ ອາເມລິກາ ໃຫ້ຮູ້ວ່າ ອາເມລິກາ ກຽມຈະຈັດວາງບັນດາມາດຕະການລົງໂທດທີ່ໄດ້ຮັບຖືວ່າ”ຮ້າຍແຮງທີ່ສຸດໃນປະຫວັດສາດ”ສຳລັບອີຣານ, ປະສົມກັບຄຳສັ່ງປິດລ້ອມໃນປັດຈຸບັນເພື່ອແນໃສ່ເພີ່ມທະວີແຮງກົດດັນທາງດ້ານເສດຖະກິດຢ່າງສຸດຂີດຕໍ່ອີຣານ.
ກ່າວຄຳເຫັນຕໍ່ນັກຂ່າວ CNBC ໃນວັນທີ 20 ສິງຫາ, ທ່ານລັດຖະມົນຕີການເງິນ Scott Bessent ໃຫ້ຮູ້ວ່າ ຈະຈັດກອງປະຊຸມຖະແຫຼງຂ່າວໃນວັນທີ 24 ສິງຫາ ເພື່ອປະກາດແຜນການລະອຽດ. ທ່ານຖະແຫຼງວ່ານີ້ແມ່ນການບຸກໂຈມຕີຄູ່, ພ້ອມທັງຮຽກຮ້ອງໃຫ້ບັນດາພັນທຳມິດ ແລະ ບັນດາປະເທດອື່ນໆເລືອກເຟັ້ນຈະຮ່ວມມືກັບ ວໍຊິງຕັນຫຼືບໍ່.
ແລະກໍ່ໃນວັນດຽວກັນ, ກະຊວງການຕ່າງປະເທດ ອີຣານໄດ້ກ່າວປະນາມບັນດາຄຳສັ່ງລົງໂທດດ້ານເສດຖະກິດເຊິ່ງອາເມລິກາ ກະກຽມປະກາດ, ໃນສະພາບການບັນດາການເຈລະຈາລະຫວ່າງສອງຝ່າຍຕົກເຂົ້າສູ່ສະພາບຈົນຕາແຈ, ກໍ່ຄືຄວາມເຄັ່ງຕຶງເພີ່ມຂຶ້ນທີ່ກ່ຽວຂ້ອງເຖິງການຄວບຄຸມຊ່ອງແຄບທະເລ Hormuz. ກະຊວງການຕ່າງປະເທດ ອີຣານ ໃຫ້ຮູ້ວ່າບັນດາຄຳສັ່ງລົງໂທດໃໝ່ຂອງອາເມລິກາ ເລັ່ງໃສ່ປະຊາຊົນປະເທດນີ້, ຄືກັນກັບ “ການກໍ່ການຮ້າຍດ້ານເສດຖະກິດ ແລະ ແມ່ນໂທດກຳຕ້ານມະນຸດ”, ພ້ອມທັງຢັ້ງຢືນວ່າບັນດາມາດຕະການນີ້ຈະບໍ່ເຮັດໃຫ້ຄວາມຕັດສິນໃຈຂອງອີຣານໃນການປົກປ້ອງເອກະລາດ, ອະທິປະໄຕ ແລະ ຜົນປະໂຫຍດແຫ່ງຊາດຫຼຸດລົງໄດ້.
