ວັນທີ 10 ກໍລະກົດ, ທ່ານ Donald Trump ປະທານາທິບໍດີ ອາເມລິກາ ໃຫ້ຮູ້ວ່າ ອາເມລິກາ ແລະ ອີຣານ ເຫັນດີສືບຕໍ່ບັນດາການເຈລະຈາ, ເຖິງວ່າທ່ານຢັ້ງຢືນຂໍ້ຕົກລົງຢຸດຍິງຊົ່ວຄາວທີ່ບັນລຸໄດ້ລະຫວ່າງສອງຝ່າຍເມື່ອເດືອນກ່ອນໝົດຜົນບັງຄັບໃຊ້ແລ້ວ. ໃນບົດທີ່ໄດ້ເອົາລົງໃນສື່ສັງຄົມອອນໄລ Truth Social,ທ່ານ Donald Trump ໃຫ້ຮູ້ວ່າ ອີຣານ ໄດ້ສະເໜີສືບຕໍ່ເຈລະຈາ ແລະ ວໍຊິງຕັນເຫັນດີ, ແຕ່ເນັ້ນໜັກວ່າ “ຂໍ້ຕົກລົງຢຸດຍິງໄດ້ສິ້ນສຸດແລ້ວ”. ຕາມທ່ານແລ້ວ, ບັນດາການແລກປ່ຽນຈະມາເຖິງຈະດຳເນີນໃນສະພາບການ ອາເມລິກາ ບໍ່ຖືບົດບັນທຶກຊົ່ວຄາວກ່ອນນັ້ນຍັງມີຜົນບັງຄັບໃຊ້.
ເຖິງຢ່າງໃດກໍຕາມ, ອີຣານໄດ້ປະຕິເສດຖະແຫຼງການຂອງທ່ານ Donald Trump ປະທານາທິບໍດີອາເມລິກາ ຢ່າງວ່ອງໄວ. ທ່ານ Esmaeil Baghaei ໂຄສົກກະຊວງການຕ່າງປະເທດ ອີຣານ ຢັ້ງຢືນ, ເຕເຮຣານ ບໍ່ສະເໜີເຊື່ອມຕໍ່ການເຈລະຈາກັບ ອາເມລິກາຄືນ. ຕາມສື່ມວນຊົນແຫ່ງລັດ ອີຣານແລ້ວ, ທ່ານ Baghaei ໃຫ້ຮູ້ວ່າ ປະເທດນີ້ພຽງແຕ່ຍອມຮັບການຢ້ຽມຢາມຂອງບັນດາຜູ້ເປັນກາງໄກ່ເກ່ຍ ກາຕາເພື່ອແນໃສ່ແລກປ່ຽນກ່ຍວກັບສະພາບການໃນພາກພື້ນ ແລະ ຄວາມໝັ້ນຄົງໃນການເດີນເຮືອ, ບໍ່ແມ່ນເພື່ອເລີ່ມຕົ້ນບັນດາການເຈລະຈາໂດຍກົງກັບ ວໍຊິງຕັນ.
