ບັນດາຜູ້ເປັນກາງໄກ່ເກ່ຍ ປາກິດສະຖານ ແລະ ກາຕາ ຫາກໍ່ອອກຖະແຫຼງການໂດຍໃຫ້ຮູ້ວ່າ ອາເມລິກາ ແລະ ອີຣານໄດ້ເຫັນດີເປັນເອກະພາບຕໍ່ວິວັດການເຈລະຈາທີ່ແກ່ຍາວເປັນເວລາ 60 ວັນເພື່ອມຸ່ງໄປເຖິງຂໍ້ຕົກລົງສຸດທ້າຍກ່ຽວກັບການຢຸດຕິສົງຄາມ. ຕາມຖະແຫຼງການຮ່ວມໂດຍ ປາກິດສະຖານ ແລະ ກາຕາປະກາດໃນຕອນເຊົ້າວັນທີ 22 ມິຖຸນາແລ້ວ, ບັນດາຝ່າຍໄດ້ສ້າງຕັ້ງຄະນະກຳມະການຂັ້ນສູງກ່ຽວກັບການຕິດຕາມກວດກາການເຈລະຈາລະຫວ່າງ ອາເມລິກາ ອີຣານ ແລະ ອົງການນີ້ໄດ້ເຫັນດີເປັນເອກະພາບຕໍ່ວິວັດການເຈລະຈາ 60 ວັນມຸ່ງໄປເຖິງຂໍ້ຕົກລົງຢ່າງເປັນທາງການສະບັບສຸດທ້າຍ.
ຖະແຫຼງການຢັ້ງຢືນບາດກ້າວສ້າງພື້ນຖານໃຫ້ແກ່ການເລີ່ມຕົ້ນບັນດາການພົບປະດ້ານເຕັກນິກທີ່ກວ້າງໃຫຍ່ກວ່າລະຫວ່າງສອງຝ່າຍໃນທັນທີ. ກໍ່ຕາມຖະແຫຼງການ, ການເຈລະຈາລະຫວ່າງ ອາເມລິກາ ແລະ ອີຣານ ຈະດຳເນີນຕະຫຼອດໃນຫຼາຍອາທິດນີ້. ໄປຄຽງຄູ່ກັນນັ້ນ, ສອງຝ່າຍກໍ່ເຫັນດີເປັນເອກະພາບສ້າງສາຍໂທລະສັບຕິດຕໍພົວພັນເພື່ອແນໃສ່ຫຼີກລ້ຽງເກີດຂຶ້ນຄວາມເຂົາໃຈຜິດ ຫຼືເຫດການບໍ່ຄາດຄິດຢູ່ເຂດຊ່ອງແຄບທະເລ Hormuz.
