ພາຍຫຼັງເຫດການກໍ່ການຮ້າຍວັນທີ 11 ກັນຍາ ເປັນເວລາ 25 ປີ, ວັນທີ 9 ກໍລະກົດ, ນະຄອນ ນິວຢອກ ໄດ້ເລີ່ມລົງມືກໍ່ສ້າງຕຶກອາຄານຫຼັງສຸດທ້າຍ ໃນແຜນການກໍ່ສ້າງສູນການຄ້າໂລກທັງໝົດຄືນໃໝ່ (World Trade Center) ຢ່າງເປັນທາງການ ຢູ່ເຂດ Manhattan.
ກິດຈະກຳໂດຍກຸ່ມບໍລິສັດ American Express ລົງທຶນເພື່ອເປັນສຳນັກງານທົ່ວໂລກແຫ່ງໃໝ່. ຕາມການອອກແບບ, ຕຶກອາຄານນີ້ສູງ 55 ຊັ້ນ, ມີເນື້ອທີ່ປະມານ 186.000 m², ເມື່ອກໍ່ສ້າງສຳເລັດໃນປີ 2031, ນີ້ຈະແມ່ນສຳນັກງານໃໝ່ຂອງພາລະກອນກຸ່ມບໍລິສັດ American Express ປະມານ 10.000 ຄົນ, ພ້ອມທັງແມ່ນສູນການຄ້າຫຼັງສຸດທ້າຍໄດ້ຮັບການກໍ່ສ້າງຂຶ້ນ ໃນສູນລວມການຄ້າໂລກໃໝ່.
ກ່າວຄຳເຫັນທີ່ພິທີ ເລີ່ມລົງມືກໍ່ສ້າງ, ທ່ານ Zohran Mamdani ເຈົ້າຄອງ ນະຄອນ ນິວຢອກ ໃຫ້ຮູ້ວ່າ: ໂຄງການຈະສ້າງວຽກເຮັດງານທຳໃຫ້ປະມານ 3.200 ຄົນໃນຂົງເຂດກໍ່ສ້າງ ແລະ ປະກອບສ່ວນເກືອບ 6 ຕື້ USD ໃຫ້ແກ່ພື້ນຖານເສດຖະກິດນະຄອນ.
