ຕາມແຈ້ງການໃນສື່ສັງຄົມອອນໄລ X ໃນຮຸ່ງເຊົ້າວັນທີ 14 ກໍລະກົດແລ້ວ, ກອງບັນຊາການທະຫານສູນກາງ ອາເມລິກາ ຮັບຜິດຊອບພາກພື້ນຕາເວັນອອກກາງ (CENTCOM) ໃຫ້ຮູ້ວ່າ, ກຳລັງ ອາເມລິກາ ຢູ່ພາກພື້ນ ຫາກໍ່ປຸກລະດົມບັ້ນບຸກໂຈມຕີຄັ້ງໃໝ່ເລັ່ງໃສ່ ອີຣານ ເປັນຄືນທີ 3 ຕິດຕໍ່ກັນ. ບັ້ນບຸກໂຈມຕີດັ່ງກ່າວ ເພື່ອແນໃສ່ໂຕ້ຕອບເລື່ອງ ອີຣານ ຍິງປືນໃສ່ກ່ຳປັ່ນຂົນສົ່ງສິນຄ້າຢູ່ຊ່ອງແຄບທະເລ Hormuz. CENTCOM ຢັ້ງຢືນວ່າ ສິ່ງດັ່ງກ່າວຈະສືບຕໍ່ກໍ່ຜົນເສຍຫາຍຢ່າງໜັກໜ່ວງໃຫ້ແກ່ບັນດາກຳລັງ ອີຣານ, ເຮັດໃຫ້ຄວາມສາມາດບຸກໂຈມຕີຂອງ ເຕເຮຣານ ໃສ່ກ່ຳປັ່ນການຄ້າ ແລະ ກ່ຳປັ່ນພົນລະເຮືອນ ຢູ່ຊ່ອງແຄບທະເລ Hormuz ຖືກຊຸດໂຊມລົງ. ເຖິງຢ່າງໃດກໍຕາມ, ບັນດາເປົ້າໝາຍລະອຽດທີ່ຖືກເລັ່ງໃສ່ໃນບັ້ນບຸກໂຈມຕີທາງອາກາດ ພັດບໍ່ໄດ້ເວົ້າເຖິງ.
ວັນທີ 23 ກໍລະກົດ, ທ່ານ António Guterres ເລຂາທິການໃຫຍ່ ສປຊ ໄດ້ຮຽກຮ້ອງໃຫ້ ອີຣານ ແລະ ອາເມລິກາ ຮີບເຮັ່ງເຊືອມຕໍ່ການເຈລະຈາຄືນໃໝ່; ພ້ອມທັງເນັ້ນໜັກວ່າ ບັນດາຝ່າຍຕ້ອງລະງັບໃຈຢ່າງສຸດຂີດ, ຫຼີກລ້ຽງທຸກການກະທຳທີ່ພາໃຫ້ສະພາບການຮ້າຍແຮງກວ່າບໍ່ສາມາດຄວບຄຸມໄດ້.
ນັກຂ່າວ VOV ປະຈຳ ອີຢິບ
