ກ່າວຄຳເຫັນຕໍ່ວົງການນັກຂ່າວກ່ອນທີ່ເດີນທາງໄປເຂົ້າຮ່ວມກອງປະຊຸມສຸດຍອດ ອົງການສົນທິສັນຍາ ອັດລັງຕິກເໜືອ (NATO) ຢູ່ອານກາຣາ (ຕວັກກີ).ວັນທີ 6 ກໍລະກົດ ທ່ານ Donald Trump ປະທານາທິບໍດີ ອາເມລິກາ, ໄດ້ສະແດງຄວາມປະເອີບໃຈຕໍ່ແງ່ຫັວງຢຸດຕິການປະທະກັນລະຫວ່າງ ລັດເຊຍ - ຢູແກຼນ, ຖືວ່າບັນດາຄວາມມານະພະຍາຍາມທາງການທູດພວມບັນລຸໄດ້ຄວາມຄືບໜ້າ ແລະ ສັນຕິວິທີ “ໃກ້ກວ່າຫຼາຍ ກວ່າເມື່ອທຽບໃສ່ທຸກສິ່ງທີ່ທຸກຄົນຄິດ”.
ທ່ານ Donald Trump ປະທານາທິບໍດີ ໃຫ້ຮູ້ວ່າ ອຳນາດການປົກຄອງອາເມລິກາ ພວມຮັກສາການພົບປະກັບທັງ ລັດເຊຍ ແລະ ຢູແກຼນ ເພື່ອແນໃສ່ຊຸກຍູ້ວິວັດການເຈລະຈາ. ຕາມທ່ານແລ້ວ, ທ່ານ Vladimir Putin ປະທານາທິບໍດີ ລັດເຊຍ “ຢາກຢຸດຕິການປະທະກັນນີ້” ແລະ ຝ່າຍ ຢູແກຼນ ກໍ່ປາດຖະໜາຢາກມີສັນຕິພາບ. ການສົນທະນາທາງໂທລະສັບ ຂອງການນຳອາເມລິກາ ກັບຄູ່ຮ່ວມຕຳແໜ່ງລັດເຊຍເມື່ອທ້າຍອາທິດຜ່ານມາ ໄດ້ດຳເນີນຢ່າງຈົບງາມ ແລະ ສ້າງພື້ນຖານຕື່ມອີກເພື່ອສືບຕໍ່ບັນດາຄວາມມານະພະຍາຍາມທາງການທູດ.
ທ່ານປະທານາທິບໍດີ Trump ເນັ້ນໜັກວ່າການປະທະກັນລະຫວ່າງ ລັດເຊຍ ແລະ ຢູແກຼນ ຈະແມ່ນໜຶ່ງໃນບັນດາເນື້ອໃນຈຸດສຸມຂອງໂຄງການດຳເນີນງານຢູ່ກອງປະຊຸມສຸດຍອດ NATO ທີ່ໄດ້ດຳເນີນໃນວັນທີ 7 – 8 ກໍລະກົດ. ທ່ານຫວັງວ່າການແລກປ່ຽນກັບບັນດາສຳພັນທະມິດຈະປະກອບສ່ວນຊຸກຍູ້ວິວັດການຢຸດຕິການປະທະກັນທີ່ໄດ້ກ້າວເຂົ້າປີທີ 5 ນີ້.
