ການປະທະກັນອີກຄັ້ງໜຶ່ງເກີດຂຶ້ນຢູ່ເຂດອ່າວເປີເຊຍ ລະຫວ່າງກອງທັບອາເມລິກາ ແລະ ກຳລັງອີຣານ. ຕາມບົດລາຍງານຈຳນວນໜຶ່ງແລ້ວ, ການປະທະກັນໄດ້ດຳເນີນຢ່າງດຸເດືອນທີ່ສຸດຢູ່ເຂດຊ່ອງແຄບທະເລ Hormus, ເຊິ່ງແມ່ນ ບ່ອນເຕເຮຣານ, ຫາກໍ່ປະກາດຈັດວາງຄຳສັ່ງປິດລ້ອມຄືນໃໝ່.
ຕາມບັນດາແຫຼ່ງຂ່າວທາງການຂອງ ອີຣານແລ້ວ, ມີຫຼາຍສະຖານທີ່ຢູ່ເຂດທາງທິດໃຕ້ຂອງປະເທດນີ້ ຖືກບຸກໂຈມຕີ. ເຫດລະເບີດລູກໃຫຍ່ໄດ້ເກີດຂຶ້ນຢູ່ທ່າກຳປັ່ນ Bandar Abbas, ນະຄອນ Minab, ນະຄອນ Sirik, ເກາະ Qeshm ແລະ ເຂດອື່ນໆອີກຈຳນວນໜຶ່ງຢູ່ອ່າວ ເປີເຊຍ. ພ້ອມທັງ, ລະບົບປ້ອງກັນອາກາດກໍ່ໄດ້ເລີ່ມເປີດໃຊ້ງານຢູ່ເຂດທາງທິດຕາເວັນຕົກນະຄອນຫຼວງ ເຕເຮຣານ. ພິເສດ, ຕາມແຫຼ່ງຂ່າວຈຳນວນໜຶ່ງຂອງອີຣານ ໄດ້ຢັ້ງຢືນວ່າການປະທະກັນຢ່າງດຸເດືອນໄດ້ເກີດຂຶ້ນລະຫວ່ງກຳລັງອາເມລິກາ ແລະ ອີຣານຢູ່ເຂດຊ່ອງແຄບທະເລ Hormuz, ເຊິ່ງແມ່ນເສັ້ນທາງການເດີນເຮືອຫຼັກແຫຼ່ງຂອງໂລກ.
ໂດຍໂຕ້ຕອບບັ້ນບຸກໂຈມຕີຂອງກຳລັງ ອາເມລິກາ, ກອງບັນຊາການສູນກາງກອງທັບ ອີຣານ ໄດ້ປະກາດປິດຊ່ອງແຄບທະເລ Hormuz. ກຳລັງພິທັກປະຕິວັດ ອິດສະລາມ ອີຣານ ໄດ້ປະກາດໄດ້ບຸກໂຈມຕີ ແລະ ທຳລາຍ 18 ເປົ້າໝາຍການທະຫານສຳຄັນຂອງອາເມລິກາ ຢູ່ພາກພື້ນ ເພື່ອໂຕ້ຕອບບັ້ນບຸກໂຈມຕີຂອງອາເມລິກາ ເລັ່ງໃສ່ອີຣານ ໃນຮຸ່ງເຊົ້າວັນທີ 11 ມິຖຸນາ. ຄຳຖະແຫຼງຂອງກຳລັງພິທັກປະຕິວັດອິດສະລາມ ອີຣານ ໄດ້ຢັ້ງຢືນວ່າ ກຳລັງນີ້ໄດ້ບຸກໂຈມຕີບັນດາເປົ້າໝາຍດ້ານການທະຫານຂອງອາເມລິກາໃນທົ່ວເຂດອ່າວເປີເຊຍ.
