 ທ່ານປະທານາທິບໍດີ ອາເມລິກາ Joe Biden (ເບື້ອງຊ້າຍ), ທ່ານນາຍົກລັດຖະມົນຕີ ຍີ່ປຸ່ນ Fumio Kishida (ຢູ່ທາງກາງ) ແລະ ທ່ານປະທານາທິບໍດີ ສ.ເກົາຫຼີ Yoon Suk Yeol (ເບື້ອງຂວາ) ໃນການພົບປະຢູ່ນອກກອງປະຊຸມສຸດຍອດ G7 (ພາບ: AFP/TTXVN)
|
ວັນທີ 18 ສິງຫາ ຈະມາເຖິງ, ກອງປະຊຸມສຸດຍອດ ອາເມລິກາ - ຍີ່ປຸ່ນ - ສ.ເກົາຫຼີ ໂດຍທ່ານປະທານາທິບໍດີ ອາເມລິກາ Joe Biden ເປັນປະທານ ດ້ວຍການເຂົ້າຮ່ວມຂອງທ່ານປະທານາທິບໍດີ ສ.ເກົາຫຼີ Yoon Suk Yeol ແລະ ທ່ານນາຍົກລັດຖະມົນຕີ ຍີ່ປຸ່ນ Fumio Kishida ຈະດຳເນີນຢູ່ ຄ້າຍ David (ອາເມລິກາ).
ຜ່ານກອງປະຊຸມຄັ້ງນີ້, ບັນດາຝ່າຍຈະສ້າງກອບກົນໄກສຳຄັນໃນອະນາຄົດກ່ຽວກັບການຮ່ວມມືດ້ານຄວາມໝັ້ນຄົງ 3 ຝ່າຍ, ມຸ່ງໄປເຖິງການຫັນກອບກົນໄກຮ່ວມມືນີ້ໃຫ້ເປັນລະອຽດ. ບັນດາການນຳກໍຈະປຶກສາຫາລືກ່ຽວກັບວິໄສທັດລວມ ແລະ ບັນດາຫຼັກການພື້ນຖານໃນການຮ່ວມມື 3 ຝ່າຍ, ກໍຄືການສ້າງບັນດາກົນໄກຮ່ວມມືຮອບດ້ານ ແລະ ນາໆຊັ້ນໃນຫຼາຍຂົງເຂດທີ່ແຕກຕ່າງກັນ ແລະ ໃນທຸກລະດັບ.
ໄປຄຽງຄູ່ກັນນັ້ນ, ການນຳ 3 ປະເທດ ສ.ເກົາຫຼີ - ອາເມລິກາ - ຍີ່ປຸ່ນ ກໍຍັງຈະປຶກສາຫາລືກ່ຽວກັບມາດຕະການຕ່າງໆ ເພື່ອຮ່ວມມືຊຸກຍູ້ຄວາມວັດທະນາຖາວອນ ແລະ ພັດທະນາອະນາຄົດຂອງພາກພື້ນ, ໃນນັ້ນ ມີບັນດາສິ່ງທ້າທາຍຮ່ວມມືກ່ຽວກັບອຸດສາຫະກຳທັນສະໄໝ ແລະ ປັບປຸງການພົວພັນຄູ່ຮ່ວມມືເພື່ອຮັບມືກັບບັນດາບັນຫາຄວາມໝັ້ນຄົງດ້ານເສດຖະກິດຄື ຄວາມສ່ຽງທີ່ກ່ຽວຂ້ອງເຖິງລະບົບສະໜອງ ແລະ ພະລັງງານ.
