ເມື່ອກ່າວຄຳເຫັນຢູ່ນອກກອງປະຊຸມສຸດຍອດ (G7) ກຸ່ມບັນດາປະເທດພັດທະນາ ຢູ່ ຝລັ່ງ, ທ່ານ Donald Trump ໃຫ້ຮູ້ວ່າ ໄດ້ມີບັນດາການແລກປ່ຽນທີ່ຕັ້ງໜ້າກັບທ່ານ Vladimir Putin ປະທານາທິບໍດີ ລັດເຊຍ ແລະ ທ່ານ Volodymir Zelensky ປະທານາທິບໍດີ ຢູແກຼນ. ທ່ານປະທານາທິບໍດີ Donald Trump ໃຫ້ຮູ້ວ່າ ການຊອກຫາມາດຕະການໃຫ້ແກ່ການປະທະກັນນັ້ນ ແມ່ນໜ້າທີ່ບໍ່ງ່າຍແຕ່ຢ່າງໃດ ພ້ອມທັງເນັ້ນໜັກວ່າ ບຸລິມະສິດໃນປັດຈຸບັນແມ່ນ ຊຸກຍູ້ວັດທະນາການເຈລະຈາແທນທີ່ຈະຍົກອອກຖະແຫຼງການຕ່າງໆທີ່ເຮັດໃຫ້ສະພາບການສັບສົນຂຶ້ນຕື່ມ.
ກ່ອນໜ້ານັ້ນ, ໃນການພົບປະກັບທ່ານ Volodymir Zelensky ປະທານາທິບໍດີ ຢູແກຼນ, ເຖິງວ່າ ການນຳສອງທ່ານບໍ່ໄດ້ປະກາດບໍ່ວ່າຂໍ້ລິເລີ່ມສັນຕິພາບໃໝ່ໃດກໍ່ຕາມ ແຕ່ການພົບປະໄດ້ສະແດງໃຫ້ເຫັນວ່າ ທັງ ອາເມລິກາ ແລະ ຢູແກຼນ ລ້ວນແຕ່ພວມຊອກຫາວິທີສົມດຸ່ນລະຫວ່າງເລື່ອງຮັກສາການໜູນຊ່ວຍດ້ານການທະຫານໃຫ້ແກ່ Kiev ກັບເລື່ອງເປີດກວ້າງຄວາມສາມາດທາງການທູດ ແນໃສ່ມຸ່ງໄປເຖິງມາດຕະການການເມືອງໄລຍະຍາວ.
ກວາງຈູງ, ນັກຂ່າວ VOV ປະຈຳ ອາເມລິກາ
