ຕອນເຊົ້າວັນທີ 9 ກໍລະກົດ, ກຳລັງອາເມລິກາ ສືບຕໍ່ບຸກໂຈມຕີ ເລັງໃສ່ອີຣານ. ນີ້ແມ່ນຄືນທີສອງຢ່າງລຽນຕິດທີ່ກອງທັບອາເມລິກາບຸກໂຈມຕີ ອີຣານ, ເປັນສັນຍານສະແດງໃຫ້ເຫັນຄຳສັ່ງຢຸດຍິງໄດ້ໝົດຜົນບັງຄັບໃຊ້ ແລະ ມີຄວາມສ່ຽງທີ່ການປະທະກັນຢ່າງຮອບດ້ານເກີດຂຶ້ນຄືນໃໝ່. ແຈ້ງການຂອງກອງບັນຊາການສູນກາງ ອາເມລິກາ ຮັບຜິດຊອບພິເສດພາກພື້ນຕາເວັນອອກກາງ (CENTCOM) ໂດຍໃຫ້ຮູ້ວ່າ ຕາມຄຳສັ່ງຂອງທ່ານ Donald Trump ປະທານາທິບໍດີ ອາເມລິກາ , ກຳລັງອາເມລິກາ ໄດ້ບຸກໂຈມຕີເລັ່ງໃສ່ທຳລາຍຄວາມສາມາດນາບຂູ່ຂອງອີຣານ ສຳລັບບັນດາການເຄື່ອນໄຫວເສລີຂອງກຳປັ່ນຜ່ານຊ່ອງແຄບທະເລ Hormuz. CENTCOMຖືວ່າ ອີຣານ ຕ້ອງຮັບຜິດຊອບຕໍ່ບັນດາການກະທຳເກາະຜິດທີ່ໄຮ້ເຫດຜົນຫວ່າງແລ້ວນີ້ ເລັ່ງໃສ່ບັນດາກຳປັ່ນການຄ້າ ແລະ ກຳປັ່ນພົນລະເຮືອນທີ່ເຄື່ອນໄຫວຢູ່ເຂດທະເລຍຸດທະສາດສາກົນ.
