ກຳລັງອາເມລິກາຢູ່ພາກພື້ນຕາເວັນອອກກາງ ຫາກໍ່ປະກາດບັ້ນບຸກໂຈມຕີຄັ້ງໃໝ່ເລັ່ງໃສ່ອີຣານ. ນີ້ແມ່ນມືທີ 12 ທີ່ ອາເມລິກາ ບຸກໂຈມຕີອີຣານ ຢ່າງຕໍ່ເນື່ອງ, ເຊິ່ງເຮັດໃຫ້ການປະທະກັນລະຫວ່າງສອງຝ່າຍຂຶ້ນສູ່ລະດັບຮ້າຍແຮງທີ່ສຸດນັບແຕ່ເວລາຢຸດຍິງຄັ້ງທຳອິດໃນວັນທີ 8 ເມສາ. ສື່ມວນຊົນ ອີຣານ ໄດ້ຢັ້ງຢືນມີເຫດລະເບີດແຮງຫຼາຍຄັ້ງໄດ້ເກີດຂຶ້ນໃນຕອນເຊົ້າວັນທີ 23 ກໍລະກົດ ຢູ່ບັນດາເຂດແຄມທະເລຂຶ້ນກັບສອງແຂວງ Hormozgan ແລະ Bushehr,ທາງທິດໃຕ້ຂອງປະເທດນີ້. ໃນຂະນະນັ້ນ, ກອງບັນາຊາການສູນກາງ ອາເມລິກາ ຮັບຜິດຊອບພາກພື້ນຕາເວັນອອກກາງ (CENTCOM) ໄດ້ປະກາດວ່າ ກຳລັງອາເມລິກາ ໄດ້ເລີ່ມຕົ້ນບັ້ນບຸກໂຈມຕີຄັ້ງໃໝ່ເລັ່ງໃສ່ອີຣານ. ບັ້ນບຸກໂຈມຕີແນໃສ່ເຮັດໃຫ້ຄວາມສາມາດນາບຂູ່ຂອງອີຣານຕໍ່ກຳປັ່ນທີ່ເດີນທາງຜ່ານຊ່ອງແຄບທະເລ Hormuz ອ່ອນລົງ. ສ່ວນອີຣານ ແມ່ນຍັງບໍ່ທັນປະກາດມາດຕະການໂຕ້ຕອບ.
