 ພາບປະກອບ |
ຕົວເລກສັງລວມຈາກສູນ ບໍລິການຈັດຫາງານ ຮ່າໂນ້ຍໃຫ້ຮູ້ວ່າ ຕົ້ນປີນີ້, ບາງຂະແໜງທີ່ມີຄວາມຕ້ອງການຮັບສະໝັກຜູ້ອອກແຮງງານເປັນຈຳນວນຫຼາຍຄື: ການຂົນສົ່ງ - logistics, ການບໍລິການພັດຕະຄານໂຮງແຮມ, ການທ່ອງທ່ຽວ, ການເຄື່ອນໄຫວດຳເນີນທຸລະກິດອະສັງຫາລິມະຊັບ, ການເຄື່ອນໄຫວການບໍລິການດ້ານການເງິນ, ທະນາຄານ; ເຕັກໂນໂລຢີ - ຂໍ້ມູນຂ່າວສານ… ດ້ວຍຄວາມຕ້ອງການຮັບສະໝັກແມ່ນ ປະມານ 100.000 – 120.000 ຕຳແໜ່ງງານ. ທ່ານ ຫວູກວາງແທັງ, ຮອງຫົວໜ້າສູນການບໍລິການ ຈັດຫາງານ ຮ່າໂນ້ຍ ໃຫ້ຮູ້ວ່າ:
ໃນປີນີ້, ອາດຈະມີທິດໃໝ່ກ່ຽວກັບການເຄື່ອນໄຫວຂອງລະບົບສູນຈັດຫາງານ, ສືບຕໍ່ຍົກລະດັບການເຄື່ອນໄຫວຂອງລະບົບສູນຢ່າງມີປະສິດທິຜົນເທື່ອລະກ້າວ ຜ່ານໝູນໃຊ້ເຕັກໂນໂລຢີຂໍ້ມູນຂ່າວສານ. ພວກຂ້າພະເຈົ້າຈະຫັນການເຄື່ອນໄຫວຂອງການຈັດຫາງານ ເປັນທັນສະໄໝ. ບັນດາວຽກງານກ່ຽວກັບການເຄື່ອນໄຫວດ້ານວິຊາສະເພາະກ່ຽວກັບຂໍ້ມູນຂອງຕະຫຼາດແຮງງານຈະໄດ້ນຳໃຊ້ເຕັກໂນໂລຢີຂໍ້ມູນຂ່າວສານ, ຜັນຂະຫຍາຍຢ່າງຄົບຊຸດໃນທົ່ວລະບົບ.
