ຕອນເຊົ້າວັນທີ 14 ກໍລະກົດ, ສະພາປະຊາຊົນນະຄອນ ຮ່າໂນ້ຍ ໄດ້ຈັດພິທີໄຂກອງປະຊຸມຄັ້ງທີ 5 (ກອງປະຊຸມນັດສາມັນກາງປີ) ເພື່ອພິຈາລະນາ, ຕັດສິນບັນດາບັນຫາຂຶ້ນກັບສິດອຳນາດຂອງນະຄອນ. ກອງປະຊຸມໄດ້ພິຈາລະນາ 51 ເນື້ອໃນມີຄວາມໝາຍສຳຄັນຕໍ່ການປະຕິບັດສຳເລັດບັນດາໜ້າທີ່ຂອງປີ 2026 ແລະ ປະກອບສ່ວນສ້າງພື້ນຖານໃຫ້ການພັດທະນາເສດຖະກິດ ສັງຄົມ ຂອງນະຄອນຮ່າໂນ້ຍ ໃນຊຸມປີຕໍ່ໄປ. ກ່າວຄຳເຫັນຊີ້ນຳທີ່ກອງປະຊຸມ, ທ່ານຮອງປະທານຜູ້ປະຈຳການສະພາແຫ່ງຊາດ ໂດວັນຈຽນ ຢັ້ງຢືນວ່າ 6 ເດືອນຕົ້ນປີ 2026, ທາງນະຄອນຮ່າໂນ້ຍ ໄດ້ສະແດງໃຫ້ເຫັນຢ່າງຈະແຈ້ງບົດບາດນຳພາດ້ວຍການປະກອບສ່ວນຢ່າງຮອບດ້ານມີລັກສະນະພື້ນຖານ. ເສດຖະກິດນະຄອນຫຼວງມີການເຕີບໂຕດີພໍສົມຄວນ, GRDP 6 ເດືອນຕົ້ນປີ ເພີ່ມຂຶ້ນ 8,22% ສູງກວ່າ ລະດັບສະເລ່ຍຂອງທົ່ວປະເທດ. ທ່ານໃຫ້ຮູ້ວ່າ:
ຮີບດ່ວນສຳຫຼວດກວດຄືນ, ປັບປຸງແຜນການເຕີບໂຕຕິດແທດຕົວຈິງ, ລຸລ່ວງທຸກຂໍ້ຕິດຂັດ, ລະດົມບັນດາແຫຼ່ງກຳລັງຢ່າງສຸດຂີດໃຫ້ແກ່ການພັດທະນາ. ນະຄອນຕ້ອງຖືໝາກຜົນຂອງການນຳພາ, ການຊີ້ນຳເພື່ອປະຕິບັດໜ້າທີ່ການເມືອງ, ເປັນຕົ້ນແມ່ນດັດຊະນີການເຕີບໂຕເສດຖະກິດ, ລາຍຮັບງົບປະມານ, ຄວາມຄືບໜ້າໃນການປະຕິບັດບັນດາໂຄງການ, ກິດຈະກຳ, ໝາກຜົນຂອງການປ່ອຍເງິນລົງທຶນ… ເພື່ອຕີລາຄາການເຄື່ອນໄຫວຂອງອົງການຈັດຕັ້ງ ແລະ ສ່ວນບຸກຄົນ, ຄວາມສາມາດຂອງຜູ້ນຳ, ຜູ້ໄດ້ຮັບໜ້າທີ່ເຈົ້າຮັບຜິດຊອບປະຕິບັດວຽກງານຕ້ອງຕິດແທດໝາກຜົນສົ້ນອອກ ຂອງສຳນັກງານ, ອົງການ, ຫົວໜ່ວຍຂອງຕົນ. ປາດຖະໜາຢາກບັນດາຜູ້ແທນ ປຶກສາຫາລືແລ້ວແມ່ນຕ້ອງຮັບຮອງເອົາ, ໄດ້ຕັດສິນໃຈແລ້ວ ຕ້ອງປະຕິບັດຢ່າງຕັ້ງໜ້າ, ໄດ້ເຮັດແລ້ວ ຕ້ອງມີຜົນປະໂຫຍດໃຫ້ແກ່ປະເທດຊາດ, ໃຫ້ແກ່ປະຊາຊົນ.ພວກເຮົາຕ້ອງມຸ່ງໄປເຖິງການສ້າງສັງຄົມມີລະບຽບວິໄນ, ມີຄວາມປອດໄພ, ປອດໃສ, ສີວິໄລ, ກົມກຽວ, ພັດທະນາ.
