ອາເມລິກາ ຍົກເລີກຫຼາຍມາດຕະການລົງໂທດຕໍ່ ລັດເຊຍ ໂດຍຊົ່ວຄາວ

​ວັນ​ທີ 16 ຕຸ​ລາ, ທ່ານ Donald Trump, ປະ​ທາ​ນາ​ທິ​ບໍ​ດີ ອາ​ເມ​ລິ​ກາ ໄດ້​ລົງ​ນາມ​ໃນລັດ​ຖະ​ດຳ​ລັດ​ຜັນ​ຂະ​ຫຍາຍ​ກົດ​ໝາຍ​ລົງ​ໂທດ ລັດ​ເຊຍ. ຕາມ​ລັດ​ຖະ​ດຳ​ລັດ​ເຊິ່ງ​ທຳ​ນຽບ​ຂາວ​ປະ​ກາດ​ໃນ​ຕອນ​ຄ່ຳ​ວັນ​ດຽວ​ກັນ, ອາ​ເມ​ລິ​ກາ ສ້າງ​ຕັ້ງ​ກົນ​ໄກ​ຈັດ​ວາງ​ພາ​ສີ​ເພີ່ມ​ເຕີມ 500% ສຳ​ລັບ​ສິນ​ຄ້າ​ທີ່​ນຳ​ເຂົ້າ​ຈາກ ລັດ​ເຊຍ, ພ້ອມ​ກັນ​ນັ້ນ ​ກໍ່ກຳ​ນົດ​ອັດ​ຕາ​ພາ​ສີ​ເພີ່ມ​ເຕີມ 100% ສຳ​ລັບ​ສິນ​ຄ້າ​ທີ່​ນຳ​ເຂົ້າ​ຈາກ 5 ປະ​ເທດ​ທີ່​ນຳ​ເຂົ້າ​ນ້ຳ​ມັນ​ອາຍ​ແກັ​ສ​ຂອງ ລັດ​ເຊຍ ​ຫຼາຍ​ທີ່​ສຸດ… ເຖິງ​ຢ່າງ​ໃດ​ກໍ່​ຕ​າມ, ພ້ອມ​ກັນ​ນັ້ນ, ທ່ານ​ປະ​ທາ​ນາ​ທິ​ບໍ​ດີ Donald Trump ກໍ່​ຕົກ​ລົງ​ຍົກ​ເລີກ​ການ​ຈັດ​ວາງ​ບັນ​ດາ​ອັດ​ຕາ​ພາ​ສີ​ດັ່ງ​ກ່າວ, ພ້ອມ​ກັບ​ບັນ​ດາ​ມາດ​ຕະ​ການ​ລົງ​ໂທດ​ອື່ນໆ​ຕາມ​ກົດ​ໝາຍ Lindsey Graham ທີ່​ໄດ້​ປະ​ກາດ​ໃຊ້​ໃນ​ວັນ​ທີ 18 ກັນ​ຍາ.

ທຳ​ນຽບ​ຂາວ​ໃຫ້​ຮູ້​ວ່າ ຂໍ້​ຕົກ​ລົງ​ຍົກ​ເວັ້ນ​ໄດ້​ຍົກ​ອອກ​ມາ​ຍ້ອນ​ຜົນ​ປະ​ໂຫຍດ​ແຫ່ງ​ຊາດ ອາ​ເມ​ລິ​ກາ ແລະ ໄດ້​ແຈ້ງ​ຕໍ່​ສະ​ພາ​ແຫ່ງ​ຊາດ ຕາມ​ຂໍ້​ກຳ​ນົດ​ດ້ານ​ກົດ​ໝາຍ. ສິ່ງ​ທີ່​ໜ້າ​ສົນ​ໃຈ, ລັດ​ຖະ​ດຳ​ລັດ​ບໍ່​​ໄດ້ກຳ​ນົດ​ຈຸດ​ເວ​ລາ​ໝົດ​ຜົນ​ສັກ​ສິດ​ລະ​ອ​ຽດ​ສຳ​ລັບ​ບັນ​ດາ​ມາດ​ຕະ​ການ​ຍົກ​ເວັ້ນ.