ບັນຍາກາດງານບຸນພວມປົກຄຸມທົ່ວປະເທດ ອາເມລິກາ ເມື່ອປະຊາຊົນເລີ່ມເຂົ້າຮ່ວມບັນດາການເຄື່ອນໄຫວສະເຫຼີມສະຫຼອງ 250 ປີແຫ່ງວັນສ້າງຕັ້ງປະເທດຊາດ (04 ກໍລະກົດ 1776 – 04 ກໍລະກົດ 2026), ເຊິ່ງເປັນໜຶ່ງໃນຂີດໝາຍປະຫວັດສາດສຳຄັນທີ່ສຸດຂອງ ອາເມລິກາ. ມີຫຼາຍລາຍການເດີນຂະບວນ, ປະສານສຽງດົນຕີ, ວາງສະແດງ, ການສະແດງທາງອາກາດ ແລະ ຍິງບັ້ງໄຟດອກໄດ້ຈັດຂຶ້ນ, ອັນໄດ້ດຶງດູດປະຊາຊົນ ແລະ ນັກທ່ອງທ່ຽວນັບລ້ານຄົນເຂົ້າຮ່ວມ.
ໃນວັນທີ 03 ກໍລະກົດ ມີຫຼາຍເຫດການສະເຫຼີມສະຫຼອງຂອບຂະໜາດໃຫຍ່ໄດ້ຈັດຂຶ້ນໃນທົ່ວປະເທດ ອາເມລິກາ. ຢູ່ນະຄອນຫຼວງ ວໍຊິງຕັນ ດີຊີ, ໜຶ່ງໃນບັນດາເຫດການທີ່ໜ້າສົນໃຈທີ່ສຸດໃນຕອນຄ່ຳວັນທີ 03 ກໍລະກົດ ໄດ້ຈັດຂຶ້ນຢູ່ລັດ South Dakota, ແຫ່ງທີ່ທ່ານ Donald Trump, ປະທານາທິບໍດີ ອາເມລິກາ ເປັນປະທານພິທີສະເຫຼີມສະຫຼອງ 250 ປີແຫ່ງວັນສ້າງຕັ້ງປະເທດຊາດ. ໃນບົດກ່າວປາໄສ, ທ່ານປະທານາທິບໍດີ Donald Trump ເນັ້ນໜັກເຖິງຄວາມໝາຍຂອງຂີດໝາຍ 250 ປີແຫ່ງປະຫວັດສາດ, ເຊີດຊູລຸ້ນຕ່າງໆທີ່ໄດ້ກໍ່ຕັ້ງປະເທດ ອາເມລິກາ ແລະ ຮຽກຮ້ອງໃຫ້ປະຊາຊົນພ້ອມກັນມຸ່ງໄປເຖິງອະນາຄົດຂອງປະເທດຊາດ.
ຢູ່ຫຼາຍນະຄອນໃຫຍ່ໃນທົ່ວປະເທດ ອາເມລິກາ, ຄື: New York, Chicago, Atlanta, Dallas, Denver, Los Angeles, San Francisco… ກໍ່ໄດ້ຈັດງານບຸນປະຊາຄົມ, ສະແດງສິລະປະໃນໂອກາດວັນຊາດເຊັ່ນດຽວກັນ.
