(ພາບ: REUTERS/Valentyn Ogirenko)
ກ່າວຄຳເຫັນພາຍຫຼັງການພົບປະ, ທ່ານທູດພິເສດ Jared Kushner ແບ່ງປັນກ່ຽວກັບແຜນການສັນຕິພາບເຊິ່ງທ່ານໄດ້ນຳມາ ກີແອັບ. ຕາມນັ້ນແລ້ວ, ຝ່າຍ ອາເມລິກາ ບໍ່ພຽງແຕ່ຊອກຫາວິທີຢຸດຕິສົງຄາມເທົ່ານັ້ນ, ຫາກຍັງສ້າງເງື່ອນໄຂໃຫ້ແກ່ພື້ນຖານສັນຕິພາບອັນຍາວນານ ແລະ ຍືນຍົງອີກດ້ວຍ. ທ່ານກໍ່ເນັ້ນວ່າ ທ່ານປະທານາທິບໍດີ Donald Trump ໄດ້ມີຄຳໝັ້ນສັນຍາສ່ວນຕົວຕໍ່ການແກ້ໄຂການປະທະກັນ. ໃນຂະນະນັ້ນ, ທ່ານທູດພິເສດ Steve Witkoff ໃຫ້ຮູ້ວ່າ 2 ຝ່າຍ “ໄດ້ມີການປຶກສາຫາລືທີ່ເຕັມໄປດ້ວຍຄວາມໝາຍ, ແທດຈິງ, ສຳຄັນ”. ນັກເຈລະຈາ ອາເມລິກາ ສະແດງຄວາມເພິ່ງພໍໃຈຕໍ່ໝາກຜົນຂອງການເຈລະຈາກັບ ທ່ານ Zelensky ແລະ “ປາດຖະໜາຢາກສືບຕໍ່ວິວັດການນີ້ຈົນຮອດເວລາທີ່ບໍ່ມີຄວາມຈຳເປັນອີກ”.
ສ່ວນວັງ Kremlin ກໍພັນລະນາການພົບປະແມ່ນ “ແທດຈິງ, ມີລັກສະນະສ້າງສັນ ແລະ ກົງໄປກົງມາ”, ແຕ່ທ່ານປະທານາທິບໍດີ ລັດເຊຍ Putin ຍັງບໍ່ທັນເປີດເຜີຍບໍ່ວ່າການປ່ຽນແປງໃດໆຕໍ່ບັນດາຄວາມຮຽກຮ້ອງຂອງ ມົດສະກູ.
