ອາເມລິກາຕໍ່ກຳນົດເວລາຫ້າມພົນລະເມືອງໄປສປປ.ເກົາຫຼີ

ເຖິງວ່າອາເມລິກາ ແລະ ສປປ.ເກົາຫຼີ ໄດ້ມີບັນດາບາດກ້າວເດີນເພື່ອແນໃສ່ຫຼຸດຜ່ອນຄວາມເຄັ່ງຕຶງຕໍ່ຕາມ, ແຕ່ກະຊວງການຕ່າງປະເທດອາເມລິກາ ກໍ່ໃຫ້ຮູ້ວ່າ, ປະເທດນີ້ຍັງມີຄວາມວິຕົກກັງວົນກ່ຽວກັບຄວາມສ່ຽງພົນລະເມືອງອາເມລິກາ ຖືກຈັບຕົວ ແລະ ກັກຂັງຍາວນານຢູ່ສປປ.ເກົາຫຼີ.

ລັດຖະບານອາເມລິກາ ໄດ້ຫ້າມພົນລະເມືອງຂອງປະເທດນີ້ໄປຍັງສປປ.ເກົາຫຼີ ເປັນທາງການນັບແຕ່ວັນທີ 01 ກັນຍາ 2017. ຄຳສັ່ງຫ້າມດັ່ງກ່າວຈະໄດ້ພິຈາລະນາຄືນໃໝ່ພາຍຫຼັງແຕ່ລະປີ.

ຄຳສັ່ງດັ່ງກ່າວຖືກຍົກອອກມາພາຍຫຼັງມີນັກສຶກສາອາເມລິກາ ທີ່ມີຊື່ວ່າ Otto Warmbier ຖືກຈັບຕົວຢູ່ສປປ.ເກົາຫຼີ ເມື່ອຕົ້ນປີ 2016, ແລະ ເສຍຊີວິດຢູ່ໂຮງໝໍແຫ່ງໜຶ່ງທີ່ນະຄອນ Cincinnati ເກືອບ 1 ອາທິດ ພາຍຫຼັງໄດ້ຮັບການມອບຄືນໃຫ້ອາເມລິກາ ຕົກໃນສະພາບທີ່ບໍ່ຮູ້ສຶກຕົວ.