ອ​າມ​ລິ​ກາ ປະ​ກາດ​ການ​ປະ​ທະ​ກັນອາດ​ຈະ​ສິ້ນ​ສຸດ​ລົງ​ຖ້າ​ອີ​ຣານ ຍອມ​ຮັບ​ຂໍ້​ຕົກ​ລົງ

ວັນ​ທີ6 ພຶດ​ສະ​ພາ, ທ່ານ​ Donald Trump ປະ​ທາ​ນາ​ທິ​ບໍ​ດີ ອາ​ເມ​ລິ​ກາ ໄດ້​ປະ​ກາດ​ວ່າ​ການ​ປະ​ທະ​ກັນ​ລະ​ຫວ່າງ ອາ​ເມ​ລິ​ກາ ອິດ​ສະ​ລາ​ແອັນ ແລະ ອີ​ຣານ ອາດ​ສາ​ມາດ​ສິ້ນ​ສຸດໃນ​ໄວໆ​ນີ້​ຖ້າ​ເຕ​ເຮ​ຣານ ຍອມ​ຮັບ​ບັນ​ດາ​ເງື່ອນ​ໄຂ​ເຊິ່ງ ວໍ​ຊິງ​ຕັນ​ຍົກ​ອອກ​ມາ, ໃນ​ສະ​ພາບ​ການ​ບັນ​ດາ​ແຫຼ່ງ​ຂ່າວ​ໃຫ້​ຮູ້​ວ່າ ສອງ​ຝ່າຍ​ພວມ​ຫຍັບ​ໃກ້​ເຂົ້າ​ກັບ​ຂໍ້​ຕົກ​ລົງ​ເບື້ອງ​ຕົນ​ເພື່ອ​ແນ​ໃສ່​ຢຸດ​ຕິ​ການ​ປະ​ທະ​ກັນ. ໃນ​ບົດ​ຂ່າວ​ທີ່​ໄດ້​ເອົາ​ລົງ​ໃນ​ສື່​ສັງ​ຄົມ​ອອນ​ໄລ Truth Social ໃນ​ວັນ​ທີ 6 ພຶດ​ສະ​ພາ, ທ່ານ Donald Trump ໃຫ້​ຮູ້​ວ່າ ບັ້ນ​ການ​ທະ​ຫານ​ທີ່​ມີ​ຊື່​ວ່າ operation epic fury ຈະ​ສິ້ນ​ສຸດ​ລົງ​ຖ້າ​ອີ​ຣານ​ປະ​ຕິ​ບັດ​ຖືກ​ຕ້ອງ​ບັນ​ດາ​ຄຳ​ໝັ້​ນ​ສັນ​ຍາ​ທີ່​ບັນ​ລຸ​ໄດ້​ກັບ ອາ​ເມ​ລິ​ກາ. ເຖິງ​ຢ່າງ​ໃດ​ກໍ​ຕາມ, ທ່ານ Trump ກໍ່​ກ່າວ​ເຕືອນ​ວ່າ ຖ້າ​ເຕ​ເຮ​ຣານ ປະ​ຕິ​ເສດ​ຂໍ້​ຕົກ​ລົງ, ບັນ​ດາ​ການ​ບຸກ​ໂຈມ​ຕີ​ດ້ານ​ການ​ທະ​ຫານ​ຈະ​​ດຳ​ເນີນ​ຄືນ​ໃໝ່​ດ້ວຍ​ລະ​ດັບ​ທີ່​ຮ້າຍ​ແຮງກວ່າ​ເກົ່າ.