|
(ພາບປະກອບ: TTXVN) |
ດ້ວຍຫົວຂໍ້ວ່າ “ລົບລ້າງຄວາມທຸກຍາກ ເພື່ອເປົ້າໝາຍພັດທະນາແບບຍືນຍົງສຳລັບທຸກໆຄົນ”, ກອງປະຊຸມຊຸດນີ້ໄດ້ສຸມໃສ່ປຶກສາຫາລື, ແບ່ງປັນບົດຮຽນຂອງບັນດາປະເທດໃນຂົງເຂດລົບລ້າງຄວາມທຸກຍາກ, ຕີລາຄາກ່ຽວກັບວຽກງານຜັນຂະຫຍາຍບັນດາແຜນການ ແລະ ໂຄງການເຄື່ອນໄຫວຂອງສະຫະປະຊາຊາດ ກ່ຽວກັບຄົນພິການ, ຜູ້ເຖົ້າຜູ້ແກ່, ໄວໜຸ່ມ ແລະ ຄອບຄົວ.
ກ່າວຄຳເຫັນຕາງໜ້າໃຫ້ບັນດາປະເທດອາຊຽນ, ທ່ານນາງເອກອັກຄະລັດຖະທູດ ຫງວຽນເຟືອງງາ, ຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ ເນັ້ນໜັກວ່າ, ອາຊຽນ ໃຫ້ຄຳໝັ້ນສັນຍາຢ່າງເຂັ້ມແຂງສຳລັບການປະຕິບັດໂຄງການດຳເນີນງານ 2030 ກ່ຽວກັບການພັດທະນາແບບຍືນຍົງ ແລະ ຢືນຢັນການລົບລ້າງຄວາມທຸກຍາກ ແລະ ຮັດແຄບຊ່ອງວ່າງຂອງການພັດທະນາ ຍາມໃດກໍ່ແມ່ນບຸລິມະສິດແຖວໜ້າຂອງອາຊຽນ.
