ແຕ່ວັນທີ 12 – 15 ພະຈິກ, ຢູ່ສູນສົ່ງເສີມການຄ້າກະສິກຳ ຫວຽດນາມ, ເຮືອນເລກທີ 486 ຖະໜົນ ຮວ່າງກວັກຫວຽດ, ນະຄອນຮ່າໂນ້ຍ ຈະດຳເນີນງານຕະຫຼາດນັດ ກະສິກຳສາກົນ ຄັ້ງທີ 26 (AgroViet 2026). ທີ່ການຖະແຫຼງຂ່າວທີ່ໄດ້ດຳເນີນໃນຕອນບ່າຍວັນທີ 2 ພະຈິກ, ໂດຍກະຊວງກະສິກຳ ແລະ ສິ່ງແວດລ້ອມ ຫວຽດນາມ ຈັດຂຶ້ນຢູ່ ຮ່າໂນ້ຍ, ຄະນະຈັດຕັ້ງໃຫ້ຮູ້ວ່າ AgroViet 2026 ດ້ວຍຫົວຂໍ້ “ເສີມຂະຫຍາຍມູນເຊື້ອ - ສ້າງສັນອະນາຄົດສີຂຽວ” ງານຕະຫຼາດນັດແມ່ນໂອກາດເພື່ອແນະນຳ, ໂຄສະນາບັນດາຜົນງານຕົວແບບ, ໝາກຜົນພົ້ນເດັ່ນ ແລະ ບັນດາການກຳນົດທິດໃຫຍ່ໃນການພັດທະນາຂົງເຂດກະສິກຳ ແລະ ສິ່ງແວດລ້ອມ; ຢັ້ງຢືນບົດບາດຂອງຂະແໜງໃນການປະຕິບັດບັນດາໂຄງການເປົ້າໝາຍແຫ່ງຊາດ, ການພັດທະນາເສດຖະກິດສີຂຽວ, ເສດຖະກິດໝູນວຽນ ແລະ ການເຊື່ອມໂຍງເຂົ້າກັບສາກົນ. ທ່ານ ຫງວຽນມິງຕຽນ, ຜູ້ອຳນວຍການສູນສົ່ງເສີມການຄ້າກະສິກຳ ຫວຽດນາມ ໃຫ້ຮູ້ວ່າ ງານຕະຫຼາດນັດ ດຶງດູດການເຂົ້າຮ່ວມຂອງຮ້ານວາງສະແດງສິນຄ້າ ປະມານ 250 ຮ້ານຂອງ 25 ແຂວງ, ນະຄອນ ພາຍໃນປະເທດ ແລະ 100 ຮ້ານວາງສະແດງສິນຄ້າສາກົນ ທີ່ມາຈາກບັນດາປະເທດຄື: ຈີນ, ຍີ່ປຸ່ນ, ສ.ເກົາຫຼີ, ອົດສະຕາລີ.
