ວັນທີ 14 ພຶດສະພາ, ຢູ່ເຂດທ່ອງທ່ຽວພາບພົດ ຫວຽດນາມ ຢູ່ເມືອງ ກູຈີ, ນະຄອນ ໂຮ່ຈີມິນ ໄດ້ໄຂຂະບວນການເດີນທາງທ່ອງທ່ຽວ ຫວຽດນາມ Farmstay ຂອງບັນດາວິສາຫະກິດທີ່ພວມລົງທຶນ ພັດທະນາ Farmstay, ພັດທະນາການທ່ອງທ່ຽວກະສິກຳ ໄດ້ໄປສຳຫຼວດ, ຢ້ຽມຊົມຕົວຈິງຢູ່ສະຖານທີ່ທ່ອງທ່ຽວກະສິກຳ, ວັດທະນະທຳ, ຟາມ ເກືອບ 30 ແຫ່ງຂອງ 20 ແຂວງ, ນະຄອນຢູ່ 3 ເຂດພາກຂອງ ຫວຽດນາມ ແຕ່ເໜືອຮອດໃຕ້.
ການທ່ອງທ່ຽວຊົນນະບົດ ໄດ້ພັດທະນາແຮງໃນຊຸມປີມໍ່ໆມານີ້. ຂະແໜງທ່ອງທ່ຽວ ຫວຽດນາມ ໄດ້ວາງເປົ້າໝາຍ ຮອດປີ 2025, ແຕ່ລະແຂວງ, ນະຄອນ ຈະສູ້ຊົນໃຫ້ມີສະຖານທີ່ທ່ອງທ່ຽວຊົນນະບົດ 1 ແຫ່ງທີ່ໄດ້ຮັບການຢັ້ງຢືນຕິດພັນກັບທ່າໄດ້ປຽບກ່ຽວກັບກະສິກຳ, ວັດທະນະທຳ, ໝູ່ບ້ານອາຊີບ ຫຼື ສິ່ງແວດລ້ອມຊີວະພາບຂອງ ທ້ອງຖິ່ນ.
