ຕອນບ່າຍວັນທີ 2 ກໍລະກົດ, ຢູ່ຮ່າໂນ້ຍ, ທ່ານຟ້າມຢາຕຸກຮອງນາຍົກລັດຖະມົນຕີ ຜູ້ປະຈຳການລັດຖະບານ ຫວຽດນາມ ໄດ້ເຮັດວຽກກັບການນຳແຂວງ ອານຢາງ ແລະ ຜູ້ຕາງໜ້າກະຊວງ, ຂະແໜງການ, ຫົວໜ່ວຍ ທີ່ກ່ຽວຂ້ອງຈຳນວນໜຶ່ງກ່ຽວກັບສະພາບການຜັນຂະຫຍາຍບັນດາໂຄງການຮັບໃຊ້ກອງປະຊຸມຂັ້ນສູງເວທີປາໄສຮ່ວມມືເສດຖະກິດ ອາຊີ - ປາຊີຟິກ (APEC) 2027 ຢູ່ເຂດພິເສດຝຸກວັກ.
ກ່າວຄຳເຫັນທີ່ການເຮັດວຽກ, ທ່ານຮອງນາຍົກລັດຖະມົນຕີ ຟ້າມຢາຕຸກ ເນັ້ນໜັກວ່າ ກອງປະຊຸມຂັ້ນສູງ APEC 2027 ແມ່ນເຫດການການຕ່າງປະເທດສຳຄັນພິເສດ, ມີຄວາມໝາຍທາງການເມືອງ ແລະ ສາກົນຢ່າງເລິກເຊິ່ງ. ວຽກງານກະກຽມໄດ້ຮັບການຜັນຂະຫຍາຍບໍ່ພຽງແຕ່ຢູ່ຝຸກວັກເທົ່ານັ້ນ ຫາກຍັງຢູ່ຫຼາຍທ້ອງຖິ່ນອີກດ້ວຍ, ຮັບປະກັນລະບົບພື້ນຖານໂຄງລ່າງ, ຮາກຖານພັກເຊົ່າ, ການບໍລິການ ແລະ ບັນດາໂຄງການຮັບໃຊ້ບັນດາຄະນະຜູ້ແທນຂັ້ນສູງຢ່າງຄົບຊຸດ. ທຸກໂຄງການຮັບໃຊ້ APEC 2027 ຕ້ອງສ້າງສຳເລັດຖືກຕ້ອງຕາມຄວາມຄືບໜ້າ ເຊິ່ງໄດ້ໝູນໃຊ້ບັນດາກົນໄກ, ນະໂຍບາຍບຸລິມະສິດ, ພິເສດ.
ທ່ານຮອງນາຍົກລັດຖະມົນຕີ ຮຽກຮ້ອງບັນດາຝ່າຍທີ່ກ່ຽວຂ້ອງເພີ່ມທະວີການໂອ້ລົມສົນທະນາ, ປະສານສົມທົບກັນຢ່າງແໜ້ນແຟ້ນເພື່ອແກ້ໄຂບັນດາຂໍ້ຕິດຂັດ, ຮີບດວ່ນເປັນເອກະພາບວິທີການແກ້ໄຂຕາມຂໍ້ກຳນົດຂອງກົດໝາຍ, ຮັບປະກັນຖືກຕ້ອງຕາມຄວາມຄືບໜ້າຂອງໂຄງການທ່າອາກາດສະຍານສາກົນ ຝຸກວັກເພື່ອຮັບໃຊ້ກອງປະຊຸມ APEC 2027.
