ຕໍ່ໜ້າການຜັນແປຂອງຝົນຕົກແກ່ຍາວ ອັນໄດ້ກໍ່ໃຫ້ເກີດໄພນ້ຳຖ້ວມ ແລະ ເຮັດໃຫ້ເສັ້ນທາງຄົມມະນາຄົມຖືກຂາດວັກຂາດຕອນນັ້ນ, ອຳນາດການປົກຄອງນະຄອນຫຼວງ ບາງກອກ ໄດ້ຕົກລົງປິດປະຕູບັນດາໂຮງຮຽນຂຶ້ນກັບ BMA ໃນວັນທີ 28 ກັນຍາ ໃນຂະນະທີ່ລັດຖະກອນຖືກສະເໜີເຮັດວຽກຢູ່ບ້ານໃນວັນທີ 28-29 ກັນຍາ. ເຈົ້າໜ້າທີ່ ໄທ ສືບຕໍ່ເພີ່ມທະວີບັນດາມາດຕະການຮັບມືກັບໄພເກີດຝົນຕົກນ້ຳຖ້ວມ.
ຕາມການພະຍາກອນຫຼ້າສຸດຂອງກົມອຸຕິນິຍົມອຸທົກກະສາດ ໄທ, ໃນວັນທີ 27 ກັນຍາ, ປະມານ 80% ເນື້ອທີ່ນະຄອນຫຼວງ ບາງກອກ ແລະ ບັນດາແຂວງໃກ້ຄຽງ ອາດຈະເກີດຝົກຕົກໜັກ. ອົງການນີ້ກໍ່ກ່າວເຕືອນວ່າ ໄພນ້ຳຖ້ວມ, ດິນເຊາະເຈື່ອນອາກດຈະເກີດຂຶ້ນ, ພິເສດແມ່ນຢູ່ເຂດລຸ່ມ, ໂນນພູ ແລະ ແຄມແມ່ນ້ຳ.
ປະຈຸບັນ, ນະຄອນຫຼວງ ບາງກອກ ໄດ້ກະກຽມກ່ວາ 230 ສະຖານທີ່ຍົກຍ້າຍ ປຊຊ ດ້ວຍຄວາມສາມາດຮັບປະມານ 15.000 ຄົນ. ມາຮອດຈຸດເວລານີ້, ປຊຊ ນະຄອນຫຼວງປະມານ 4200 ຄົນໄດ້ຍົກຍ້າຍອອກຈາກບັນດາເຂດຖືກຜົນສະທ້ອນ. ອຳນາດການປົກຄອງ ບາງກອກ ພ້ອມກັບບັນດາກົມກອງທີ່ກ່ຽວຂ້ອງ ພວມເພີ່ມທະວີບັນດາພາຫະນະກູ້ໄພກູ້ຊີບ ເພື່ອຮັບມືກັບສະພາບນ້ຳຖ້ວມ.
