(ພາບປະກອບ: TTXVN)
ຕອນບ່າຍວັນທີ 12 ມິຖຸນາ, ຢູ່ສຳນັກງານກະຊວງການຕ່າງປະເທດ ຫວຽດນາມ ທີ່ ຮ່າໂນ້ຍ, ທ່ານ ຫງວຽນມິນວູ, ຮອງລັດຖະມົນຕີຜູ້ປະຈຳການກະຊວງການຕ່າງປະເທດ ຫວຽດນາມ ໄດ້ຕ້ອນຮັບທ່ານ Atsuhiko Hirano, ອຳນວຍການຜູ້ຕາງໜ້າ ທັງເປັນຮອງປະທານບໍລິສັດ Idemitsu Kosan (ຍີ່ປຸ່ນ).
ທີ່ການຕ້ອນຮັບ, ທ່ານຮອງລັດຖະມົນຕີຜູ້ປະຈຳການ ຫງວຽນມິນວູ ຕີລາຄາສູງຄວາມມານະພະຍາຍາມຂອງ ບໍລິສັດ Idemitsu Kosan ໃນການຜັນຂະຫຍາຍການເຄື່ອນໄຫວລົງທຶນ, ຮ່ວມມມືຢູ່ ຫວຽດນາມ ໃນຊຸມປີຜ່ານມາ, ພິເສດແມ່ນດ້ວຍບົດບາດແມ່ນຝ່າຍປະກອບທຶນຂອງໂຄງການກັ່ນຕອງນ້ຳມັນດິບ ງີເຊີນ (ແທັງຮວາ); ທ່ານສະເໜີໃຫ້ສືບຕໍ່ເປີດກວ້າງບັນດາການເຄື່ອນໄຫວລົງທຶນ, ພິເສດແມ່ນໃນຂົງເຂດພະລັງງານສີຂຽວ, ໃນນັ້ນທະວີຄູນຮູບແບບຜະລິດອັດເມັດເຊື້ອເພີງຊີວະມວນ Idemitsu ຢູ່ຫຼາຍທ້ອງຖິ່ນຂອງ ຫວຽດນາມ.
ສ່ວນທ່ານ Hirano, ຢືນຢັນວ່າ ຈະສືບຕໍ່ມານະພະຍາຍາມຮັບປະກັນແຫຼ່ງສະໜອງນ້ຳມັນດິບໃຫ້ແກ່ໂຄງການກັ່ນຕອງນ້ຳມັນ ງີເຊີນ ແລະ ເປີດກວ້າງການລົງທຶນໃນຂົງເຂດພະລັງງານຂອງ ຫວຽດນາມ, ໃນນັ້ນມີພະລັງງານສີຂຽວ.
