ໜຶ່ງໃນບັນດາບັນຫາຫຍຸ້ງຍາກທີ່ສຸດໃນປັດຈຸບັນ ແມ່ນອະນາຄົດຂອງຊ່ອງແຄບທະເລ Hormuz. ແຕ່ຫຼາຍເດືອນຜ່ານມາ, ການເຄື່ອນໄຫວໃນການເດີນເຮືອຢູ່ຊ່ອງແຄບທະເລ Hormuz ຍັງຖືກຈຳກັດຢ່າງໜັກໜ່ວງ ຍ້ອນການປະທະກັນ, ເຮັດໃຫ້ລະບົບສະໜອງພະລັງງານທົ່ວໂລກຖືກຜົນກະທົບຫຼາຍຢ່າງ. ເລື່ອງການເຈລະຈາຮອບຕ່າງໆລະຫວ່າງ ອາເມລິກາ ແລະ ອີຣານ ກ່ຽວກັບການເປີດຊ່ອງແຄບທະເລ Hormuz ຄືນໃໝ່ ຍັງບໍ່ທັນບັນລຸໄດ້ໝາກຜົນນັ້ນ ໄດ້ເຮັດໃຫ້ລາຄານ້ຳມັນຍັງຄົງຢູ່ໃນລະດັບສູງໃນໄລຍະຍາວ.
ເມື່ອຕອບສຳພາດຕໍ່ນັກຂ່າວ NBC News, ວັນທີ 6 ມິຖຸນາ, ທ່ານປະທານາທິບໍດີ Donald Trump ຖືວ່າ ວົງການການນຳ ອີຣານ ຈະຕ້ອງບັນລຸໄດ້ຂໍ້ຕົກລົງກັບ ອາເມລິກາ ເພື່ອຢຸດຕິການປະທະກັນທີ່ແກ່ຍາວ ກ້າວເຂົ້າສູ່ເດືອນທີ 4.
ໃນຂະນະນັ້ນ ອາເມລິກາ ຮຽກຮ້ອງໃຫ້ ອີຣານ ຢຸດຕິບັນດາການເຄື່ອນໄຫວການທະຫານນາບຂູ່ເຖິງສິດເສລີໃນການເດີນເຮືອຢູ່ພາກພື້ນ, ເຕເຮຣານ ສືບຕໍ່ຖືວ່າ ກຳລັງກົດດັນດ້ານການທະຫານແມ່ນເຄື່ອງມືແນໃສ່ ບັງຄັບ ວໍຊິງຕັນ ຕ້ອງປະນິປະນອມໃນບັນດາຮອບເຈລະຈາ.
