 ການເຈລະຈາຂອງບັນດາຝ່າຍໃນວັນທີ 27 ເມສາ (ພາບ: TTXVN) |
ນີ້ແມ່ນການເຈລະຈາຮອບທີ 4 ໂດຍບັນດາຝ່າຍດຳເນີນ ນັບແຕ່ຕົ້ນເດືອນເມສາ ຜ່ານມາ ເພື່ອແນໃສ່ກອບກູ້ເອົາຂໍ້ຕົກລົງນິວເຄຼຍ ອີຣານ ປະຫວັດສາດ, ເຊິ່ງ ອີຣານ ແລະ ບັນດາປະເທດມະຫາອຳນາດໃນໂລກໄດ້ລົງນາມເມື່ອປີ 2015.
ສິ້ນສຸດການເຈລະຈາ, ທ່ານ Mikhail Ulyanov ເອກອັກຄະລັດຖະທູດ ລັດເຊຍ ປະຈຳ ສປຊ ຢູ່ ວຽນ ໄດ້ຂຽນໃນສື່ສັງຄົມອອນລາຍ Twitter ໂດຍຊີ້ແຈ້ງວ່າ “ບັນດາຝ່າຍເຂົ້າຮ່ວມ ໄດ້ເຫັນດີເປັນເອກະພາບ ກ່ຽວກັບຄວາມຈຳເປັນ ຕ້ອງຊຸກຍູ້ວິວັດທະນາການດຳເນີນການເຈລະຈາຂໍ້ຕົກລົງນິວເຄຼຍ ຂອງ ອີຣານ”. ທ່ານຮອງລັດຖະມົນຕີກະຊວງການຕ່າງປະເທດ ອີຣານ Abbas Araghchi ໃຫ້ຮູ້ວ່າ ໃນການເຮັດວຽກ, ບັນດາຝ່າຍ ໄດ້ຢ້ຳຄືນຄຳໝັ້ນສັນຍາ ກ່ຽວກັບຄວາມມານະພະຍາຍາມບັນລຸໄດ້ຂໍ້ຕົກລົງໃນອະນາຄົດໃກ້ໆນີ້ ແລະ ຈະສືບຕໍ່ປຶກສາຫາລື ເພື່ອບັນລຸໄດ້ສິ່ງດັ່ງກ່າວ. ຕາມທ່ານແລ້ວ, ຝ່າຍ ອາເມລິກາ ໄດ້ສະແດງໃຫ້ເຫັນຄວາມພ້ອມທີ່ຈະຍົກເລີກບັນດາຄຳສັ່ງລົງໂທດ ສຳລັບ ອີຣານ, ແຕ່ ຝ່າຍ ອີຣານ ປາດຖະໜາຫຼາຍກວ່ານີ້ອີກ.
