ວັນທີ 20 ສິງຫາ, ຝລັ່ງ, ເຢຍລະມັນ, ອັງກິດ ແລະ ອີຕາລີ ພ້ອມກັບໂຮນລັງ, ການາດາ ແລະ ນອກແວໄດ້ອອກຖະແຫຼງການຮ່ວມຄັດຄ້ານແຜນການເປີດກວ້າງເຂດຕັ້ງຖິ່ນຖານຄົງທີ່ E1 ຂອງອິດສະລາແອັນຢູ່ ຝັ່ງຕາເວັນຕົກແມ່ນ້ຳຈໍແດນ, ພ້ອມທັງຮຽກຮ້ອງໃຫ້ອິດສະລາແອັນ ຖອນຂໍ້ຕົກລົງນີ້ຄືນ. ໃນຖະແຫຼງການຮ່ວມ, 7 ປະເທດດັ່ງກ່າວຢັ້ງຢືນເລື່ອງອິດສະລາແອັນຊຸກຍູ້ແຜນການເປີດກວ້າງເຂດຕັ້ງຖິ່ນຖານຄົງທີ່ E1 ແມ່ນບໍ່ສາມາດຍອມຮັບໄດ້ຢ່າງເດັດຂາດ, ລະເມີດກົດໝາຍສາກົນ ແລະ ນາບຂູ່ຢ່າງຮ້າຍແຮງຕໍ່ແງ່ຫວັງປະຕິບັດມາດຕະການສອງລັດ. E1 ແມ່ນເຂດດິນແດນມີທີ່ຕັ້ງຍຸດທະສາດຢູ່ເຂດຝັ່ງຕາເວັນຕົກແມ່ນ້ຳຈໍແດນ, ຢູ່ກາງເຂດຕາເວັນອອກ ແລະ ເຂດຕັ້ງຖິ່ນຖານຄົງທີ່ Ma’ale Adumim. ວ່າງແລ້ວນີ້, ອຳນາດການປົກຄອງອິດສະລາແອັນ ໄດ້ຊຸກຍູ້ແຜນການກໍ່ສ້າງເຮືອນຢູ່ປະມານ 3.400ຫຼັງຢູ່ເຂດນີ້, ໃນນັ້ນມີເຮືອນກວ່າ 1.200 ຫຼັງແມ່ນໄດ້ນຳມາປະມູນແລ້ວ.
