ແຂວງ ດ້ຽນບຽນ ແຈ້ງຂໍ້ມູນຂ່າວກ່ຽວກັບໂລກລະບາດໂຄວິດ-19 ໃນບໍລິເວັນແຂວງ
(ພາບ: TTXVN)

ຕໍ່ໜ້າການສະພາບການຜັນແປທີ່ສັບສົນຂອງໂລກລະບາດໂຄວິດ-19, ວັນທີ 04 ພຶດສະພາ, ຫຼາຍທ້ອງຖິ່ນຄື: ດ້ຽນບຽນ, ຮ່າໂນ້ຍ, ກວາງຈີ້, ກວາງນາມ, ເກີນເທີ… ສືບຕໍ່ຜັນຂະຫຍາຍຫຼາຍມາດຕະການເພື່ອຮັບມືກັບໂລກລະບາດໂຄວິດ-19 ຢ່າງຮີບດ່ວນ.

ໃນນັ້ນ, ສຳລັບບັນດາທ້ອງຖິ່ນມີກໍລະນີ F1, F2 ຢູ່ອາໄສໃນບໍລິເວັນ, ຄະນະຊີ້ນຳການປ້ອງກັນ, ຕ້ານໂລກລະບາດຂອງແຂວງ, ນະຄອນ ພວມຮີບເຮັ່ງກວດກາ, ສ້າງບັນຊີລາຍຊື່ບັນດາກໍລະນີດັ່ງກ່າວເພື່ອເອົາຕົວຢ່າງມາວິໄຈ ແລະ ແຍກຕົວຕາມຂໍ້ກຳນົດ. ພິເສດ, ຢູ່ບັນດາແຂວງມີເສັ້ນຊາຍແດນ, ເພື່ອສະກັດກັ້ນເລື່ອງໂລກລະບາດແຜ່ລະບາດນັ້ນ, ອຳນາດການປົກຄອງທ້ອງຖິ່ນ ແລະ ບັນດາກຳລັງໃນບໍລິເວັນໄດ້ເພີ່ມທະວີການກວດກາ, ຄຸ້ມຄອງຊາຍແດນ, ສະກັດກັ້ນການເຂົ້າເມືອງຢ່າງຜິດກົດໝາຍຜ່ານທາງດິນຂ້າມຊາຍແດນຢ່າງຜິດກົດໝາຍ; ປັບໄໝລົງທົດບັນດາກໍລະນີເຂົ້າ-ອອກເມືອງຢ່າງຜິດກົດໝາຍ. ຫຼາຍທ້ອງຖິ່ນກໍ່ປະກາດໂທລະເລກເພີ່ມທະວີບັນດາມາດຕະການຮີບດ່ວນໃນການປ້ອງກັນ, ຕ້ານໂລກລະບາດໂຄວິດ-19. ໃນນັ້ນຢຸດຕິບັນດາການເຄື່ອນໄຫວວັດທະນະທຳ, ກິລາ, ງານບຸນ, ກອງປະຊຸມ, ກອງປະຊຸມສຳມະນາ... ບັນດາເຫດການເຕົ້າໂຮມກວ່າ 30 ຄົນໂດຍຊົ່ວຄາວ; ຢຸດຕິການເຄື່ອນໄຫວສຳລັບບັນດາຮາກຖານດຳເນີນການບໍລິການທີ່ບໍ່ຈຳເປັນນັບແຕ່ວັນທີ 05 ພຶດສະພາ ເມື່ອມີແຈ້ງການຕໍ່ໄປ; ສ້າງຕັ້ງຄະນະລະຫວ່າງຂະແໜງກວດກາການນຳໃຊ້ຜູ້ອອກແຮງງານເປັນຊາວຕ່າງປະເທດ ແລະ ວຽກງານປ້ອງກັນ, ຕ້ານໂລກລະບາດໂຄວິດ-19 ຢູ່ບັນດາວິສາຫະກິດມີຜູ້ອອກແຮງງານເປັນຊາວຕ່າງປະເທດ…

ທ່ານ ເລຈິ໊ແທັງ, ປະທານຄະນະກຳມະການປະຊາຊົນແຂວງ ກວາງນາມ, ຫົວໜ້າຄະນະຊີ້ນຳການປ້ອງກັນ, ຕ້ານໂລກລະບາດໂຄວິດ-19 ແຂວງ, ຖືວ່າ.

“ຕ້ອງຍາດແຍ່ງເວລານີ້ເພື່ອຕ້ານໂລກລະບາດ, ບໍ່ປະໃຫ້ໂລກລະບາດແຜ່ຂະບາດອອກສູ່ວົງກວ້າງ. ຂະແໜງສາທາລະນະສຸກຕິດຕາມຢ່າງໃກ້ຊິດ ແລະ ຮີບເຮັ່ງກວດກາ, ເຂດໃດຕ້ອງປິດລ້ອມຕ້ອງປະຕິບັດໂດຍທັນທີ. ນອກນັ້ນ, ບັນຫາສຳຄັນແມ່ນການແຈ້ງອາການສຸຂະພາບ, ໃນນັ້ນພະນັກງານ, ພາລະກອນ, ລັດຖະກອນຕ້ອງເປັນແບບຢ່າງໃນການແຈ້ງອາການສຸຂະພາບ”.