ບັນດາການນຳ G7 ຈັດກອງປະຊຸມສຸດຍອດ - ລັດເຊຍ ປະຕິເສດການສະເໜີກັບຄືນ G7

ເຖິງວ່າ, ຫົວຂໍ້ຕົ້ນຕໍຂກວກອງປະຊຸມປີນີ້ລວມທັງການເພີ່ມທະວີການລົງທຶນ, ກໍຄືສ້າງວຽກເຮັດງານທຳເພື່ອຊຸກຍູ້ການເຕີບໂຕ ແລະ ຄວາມສະເໝີພາບລະຫວ່າງຍິງ - ຊາຍ, ແຕ່ຄວາມເຄັ່ງຕຶງດ້ານການຄ້າລະຫວ່າງອາເມລິກາ ແລະ ບັນດາປະເທດພັນທະມິດຄາດວ່າ ຈະປົກຄຸມທັງ 2 ມື້ດຳເນີນຂອງກອງປະຊຸມ. ປະຈຸບັນ, ບັນດາປະເທດສະມາຊິກທີ່ຍັງເຫຼືອຂອງ G7 ລ້ວນແຕ່ຢືນຢັນວ່າ ຈະສະແດງໃຫ້ເຫັນຫຼັກໝັ້ນເດັດດ່ຽວກັບທ່ານປະທານາທິບໍດີອາເມລິກາ Donald Trump ໃນບັນດາວາລະປຶກສາຫາລື, ເຖິງວ່າຈະບໍ່ເຄັ່ງຕຶງຫຼາຍເກີນໄປ ຍ້ອນຄວາມວິຕົກກັງວົນກໍ່ຕາມ, ແຕ່ກໍ່ອາດຈະພາໄປເຖິງສົງຄາມດ້ານການຄ້າດ້ວຍຂອບຂະໜາດໃຫຍ່.

ມີບັນຫາໜຶ່ງອີກທີ່ພວມພົ້ນເດັ່ນຂຶ້ນຢູ່ກອງປະຊຸມ G7 ປີນີ້ ແມ່ນເລື່ອງອາເມລິກາ ໄດ້ຮຽກຮ້ອງຢຸດຕິເລື່ອງປັດເຂ່ຍລັດເຊຍ ອອກຈາກກຸ່ມດັ່ງກ່າວ, ພ້ອມທັງເນັ້ນໜັກເຖິງບົດບາດຂອງມົດສະກູ ຢູ່ບັນດາກອງປະຊຸມສຸດຍອດ G7. ກ່າວຄຳເຫັນຢູ່ນອກກອງປະຊຸມ, ທ່ານປະທານາທິບໍດີ Trump ຖືວ່າ ບັນດາປະເທດສະມາຊິກ G7 ຄວນສະເໜີໃຫ້ລັດເຊຍ ກັບຄືນສູ່ການເຂົ້າຮ່ວມ ຍ້ອນມີຄວາມຈຳເປັນຂອງມົດສະກູ ໃນການເຈລະຈາ. ເຖິງຢ່າງໃດກໍ່ຕາມ, ລັດເຊຍ ໄດ້ປະຕິເສດ ຄຳສະເໜີຮຽກຮ້ອງກັບຄືນສູ່ G7 ແລະ ຢືນຢັນວ່າ ມົດສະກູ ພວມສຸມໃສ່ເຂົ້າໃນບັນດາຂອບເຂດຮ່ວມມື ແລະ ການເຈລະຈາອື່ນ.