(ພາບເອກະສານ: REUTERS/Mohammed Salem)
ຖະແຫຼງການຮ່ວມໄດ້ຖືວ່າ: ບັນດາການເຄື່ອນໄຫວບັງຄັບໃຫ້ປະຊາຊົນອອກຈາກເຂດ ກາຊາ ແມ່ນການກະທຳ “ລະເມີດຫຼັກການຂອງກົດໝາຍສາກົນທີ່ຮ້າຍແຮງ, ໃນນັ້ນມີກົດໝາຍວ່າດ້ວຍມະນຸດສະທຳສາກົນ, ພ້ອມທັງນາບຂູ່ໂດຍກົງບັນດາສິດອັນຊອບທຳ ແລະ ບໍ່ສາມາດຍຶດເອົາໄດ້ຂອງຊາວ ປາແລດສະຕິນ”. ບັນດາລັດຖະມົນຕີການຕ່າງປະເທດ ໄດ້ກ່າວເຕືອນການກະທຳນີ້ຈະກໍ່ຜົນຮ້າຍທີ່ຕາມມາຢ່າງຮ້າຍແຮງພິເສດ, ເຮັດໃຫ້ບັນດາຄວາມມານະພະຍາຍາມມຸ່ງໄປເຖິງສັນຕິພາບ ແລະ ສະຖຽນລະພາບຢູ່ເຂດຕາເວັນອອກກາງ ອ່ອນແອລົງ.
ຖະແຫຼງການຮ່ວມກໍ່ເນັ້ນໜັກວ່າ: ເຂດ ກາຊາ ແມ່ນພາກສ່ວນໜຶ່ງບໍ່ສາມາດຕັດແຍກອອກຈາກຜືນແຜ່ນດິນປາແລດສະຕິນ ໄດ້, ພ້ອມທັງເນັ້ນໜັກເຖິງ ຄວາມຈຳເປັນຕ້ອງຮັກສາລັກສະນະເປັນເອກະພາບຂອງບັນດາເຂດດິນແດນ ປາແລດສະຕິນ, ລວມມີ: ເຂດ ກາຊາ ແລະ ຟາກຕາເວັນຕົກແມ່ນຳ້ ຈໍແດນ, ໃນນັ້ນມີເຂດ Jerusalem ຕາເວັນອອກ.
ບັນດາລັດຖະມົນຕີການຕ່າງປະເທດໄດ້ຢັ້ງຢືນມາດຕະການສອງລັດແມ່ນເສັ້ນທາງໜຶ່ງດຽວເພື່ອບັນລຸໄດ້ສັນຕິພາບ, ຄວາມຍຸຕິທຳ ແລະ ຍາວນານ; ພ້ອມທັງຮຽກຮ້ອງໃຫ້ປະຊາຄົມສາກົນ, ພິເສດແມ່ນ ສະພາຄວາມໝັ້ນຄົງ ສປຊ, ປະຕິບັດຄວາມຮັບຜິດຊອບຢ່າງຄົບຖ້ວນ ເພື່ອສະກັດກັ້ນທຸກໆຄວາມມານະພະຍາຍາມຈັດວາງມາດຕະການຕ່າງໆກ່ຽວກັບພູມສາດຕົວຈິງ ແລະ ຂໍ້ມູນປະຊາກອນໃໝ່ ຢູ່ເຂດດິນແດນ ປາແລດສະຕິນ ທີ່ຖືກຢຶດຄວບຄຸມ ແລະ ຮັບປະກັນການປະຕິບັດຕາມກົດໝາຍສາກົນ.
