ວັນທີ 11 ເມສາ, ບັນດາແຫຼ່ງຂ່າວຂອງ ສະຫະພາບເອີຣົບ (ອີຢູ) ໃຫ້ຮູ້ວ່າ ບັນດາປະເທດສະມາຊິກຂອງກຸ່ມນີ້ ໄດ້ “ເປີດໄຟຂຽວ” ໃຫ້ແກ່ການດໍາເນີນບັນດາການເຈລະຈາດ້ານການຄ້າກັບ ອາເມລິກາ, ຢຸດຕິສະພາບການຈົນຕາແຈທີ່ແກ່ຍາວມາເປັນເວລາຫຼາຍເດືອນ ຍ້ອນການຄັດຄ້ານຂອງ ຝລັ່ງ. ທີ່ກອງປະຊຸມຂອງຄະນະກໍາມະການເອີຣົບ (EC) ຢູ່ ບຣຸກແຊນ ປະເທດແບນຊິກ, ຕາງໜ້າບັນດາປະເທດ ອີຢູ ໄດ້ເຫັນດີເປັນເອກະພາບຕໍ່ສອງພາລະກໍາທີ່ຍົກອອກໃນການເຈລະຈາກັບ ອາເມລິກາ ຄັ້ງຈະມາເຖິງ ນັ້ນແມ່ນ: ຫຼຸດຜ່ອນພາສີນໍາເຂົ້າສິນຄ້າອຸດສາຫະກໍາ ແລະ ຫຼຸດບັນດາຂໍ້ກໍານົດທີ່ອະນຸຍາດໃຫ້ບັນດາບໍລິສັດຂອງສອງຝ່າຍ ຕອບສະໜອງມາດຕະຖານຂອງ ອາເມລິກາ ຫຼື ອີຢູ. ສອງພາລະກໍາເຈລະຈານີ້ ຄາດວ່າຈະໄດ້ສະເໜີຮັບຮອງເອົາຢ່າງເປັນທາງການໃນກອງປະຊຸມຂອງບັນດາລັດຖະມົນຕີກະຊວງກະສິກໍາ ຂອງ ອີຢູ ໃນວັນທີ 15 ເມສາ ຢູ່ ບຣຸກແຊນ.