ຕອນບ່າຍວັນທີ 07 ສິງຫາ, ຢູ່ ຮ່າໂນ້ຍ, ສະພາແຫ່ງຊາດໄດ້ປຶກສາຫາລືຢູ່ຫໍປະຊຸມກ່ຽວກັບຮ່າງມະຕິທີ່ກຳນົດກົນໄກ, ນະໂຍບາຍຈຳສະເພາະເພື່ອແກ້ໄຂຄວາມຫຍຸ້ງຍາກ, ສິ່ງຕິດຂັດໃນການປະຕິບັດບັນດາໂຄງການ, ກິດຈະກຳຮັບໃຊ້ກອງປະຊຸມສຸດຍອດ ເວທີປາໄສຮ່ວມມືເສດຖະກິດ ອາຊີ - ປາຊີຟິກ (APEC 2027) ຢູ່ເຂດພິເສດ ຝູກວັກ, ແຂວງ ອານຢາງ.
ຮ່າງກົດໝາຍໄດ້ສ້າງຂຶ້ນເພື່ອສ້າງພື້ນຖານນິຕິກຳແນໃສ່ແກ້ໄຂບັນດາຄວາມຫຍຸ້ງຍາກ, ຂໍ້ຕິດຂັດທີ່ເກີດຂຶ້ນໃນວິວັດການຜັນຂະຫຍາຍບັນດາໂຄງການ, ກິດຈະກຳຮັບໃຊ້ກອງປະຊຸມຢ່າງທັນການ. ເລື່ອງປະກາດໃຊ້ມະຕິເພື່ອປະກອບສ່ວນຮັບປະກັນຄວາມຄືບໜ້າເພື່ອກໍ່ສ້າງສຳເລັດບັນດາກິດຈະກຳ, ສ້າງເງື່ອນໄຂຈັດສັບປະດາສຸດຍອດ APEC 2027 ໃຫ້ບັນລຸຜົນສຳເລັດ, ຜ່ານນັ້ນ, ຢືນຢັນທີ່ຕັ້ງ, ອິດທິພົນຊື່ສຽງຂອງ ຫວຽດນາມ ບົນເວທີສາກົນ ແລະ ຊຸກຍູ້ການພັດທະນາເສດຖະກິດ - ສັງຄົມຂອງເຂດພິເສດ ຝູກວັກ, ແຂວງ ອານຢາງ ກໍຄືຂອງທົ່ວປະເທດ.
