ຕຳຫຼວດ ປຣາຊິນ ໄດ້ເຝິກອົບຮົມເພື່ອຕ້ານການກໍ່ການຮ້າຍ
(ພາບ: AFP/ ສຳນັກຂ່າວສານ ຫວຽດນາມ)

(vovworld) – ວັນທີ 21/7, ລັດຖະບານ ບຣາຊິນ ປະກາດວ່າຈະເພີ່ມທະວີບັນດາມາດຕະການປ້ອງກັນຄວາມສະຫງົບຢູ່ງານມະຫາກຳກິລາ Olympic Rio de Janeiro 2016 ພາຍຫຼັງຈັບຕົວ 10 ເປົ້າໝາຍທີ່ຖືກລະແວງສົງໄສວ່າມີສ່ວນກ່ຽວຂ້ອງເຖິງເຄືອຂ່າຍກໍ່ການຮ້າຍຢູ່ປະເທດນີ້. ທ່ານລັດຖະມົນຕີກະຊວງຍຸຕິທຳ ບຣາຊິນ Alexandre de Moraes ໃຫ້ຮູ້ວ່າ: ນີ້ແມ່ນກຸ່ມຄົນໄດ້ມີຄວາມຄິດເຫັນ “ຍ້ອງຍໍຊົມເຊີຍ” ບັນດາເຫດບຸກໂຈມຕີກໍ່ການຮ້າຍຢູ່ ຝຣັ່ງ ເມື່ອເດືອນ 11 ປີກາຍ ກໍ່ຄືການກໍ່ການຮ້າຍຢູ່ນະຄອນ Orlando, ປະເທດ ອາເມລິກາ ແລະ ການເຂັ່ນຂ້າທີ່ນອງເລືອດຢູ່ Nice, ປະເທດ ຝຣັ່ງ ຫວ່າງມໍ່ໆມານີ້. ນອກຈາກນັ້ນ, ບັນດາເປົ້າໝາຍນີ້ໄດ້ສະແດງການສະໜັບສະໜູນອົງການ “ລັດອິດສະລາມ” (IS) ອ້າງຊື່ເອງ ແລະ ນາບຂູ່ດຳເນີນການກໍ່ການຮ້າຍ Olympic 2016 ເຊິ່ງຈະໄຂຂຶ້ນໃນວັນທີ 5/8 ຈະມາເຖິງ.

ບຣາຊິນເພີ່ມທະວີການປ້ອງກັນຄວາມສະຫງົບປ້ອງກັນການກໍ່ການຮ້າຍກ່ອນທີ່ຈັດOlympic2016