(ພາບ:Ha Phuong/VOV5)
ແຕ່ປີ 2004, ຫວຽດນາມ ໄດ້ສ້າງຕັ້ງຄະນະຊີ້ນຳແຫ່ງຊາດ ຫວຽດນາມ ເຂົ້າຮ່ວມງານຕະຫຼາດນັດ ຈີນ - ອາຊຽນ ໃນແຕ່ລະປີ.
ໃນງານຕະຫຼາດນັດປີນີ້, ເຂດວາງສະແດງຂອງ ຫວຽດນາມ ມີຂອບຂະໜາດໃຫຍ່ທີ່ສຸດໃນບັນດາປະເທດ ອາຊຽນ, ດ້ວຍຈຳນວນວິສາຫະກິດ, ຫົວໜ່ວຍ 120 ແຫ່ງມາຈາກ 22 ແຂວງ, ນະຄອນ ໃນທົ່ວປະເທດ ເຂົ້າຮ່ວມ. ໂດຍໄດ້ເຂົ້າຮ່ວມງານຕະຫຼາດນັດຫຼາຍຄັ້ງ, ທ່ານນາງ ຫງວຽນທິທູຮ່າ, ຜູ້ຕາງໜ້າວິສາຫະກິດແຫ່ງໜຶ່ງຂອງ ຫວຽດນາມ ໄດ້ແບ່ງປັນວ່າ:
“ຍ້ອນມີການເຂົ້າຮ່ວມງານຕະຫຼາດນັດ, ລູກຄ້າອາດສາມາດໄດ້ສຳຜັດກັບສິນຄ້າໂດຍກົງ ແລະ ຕີລາຄາຂັ້ນຕອນການຜະລິດຂອງວິສາຫະກິດ. ການຕີລາຄາກະທົບຕອບຄືນຂອງເຂົາເຈົ້າ ແມ່ນມີຄວາມຕັ້ງໜ້າທີ່ສຸດ ແລະ ມີຫຼາຍຄູ່ຮ່ວມມືສະແດງຄວາມຫວັງຢາກຮ່ວມມືຍາວນານກັບພວກຂ້າພະເຈົ້າ”.
ປະຈຸບັນ, ຫວຽດນາມ ແມ່ນຄູ່ຮ່ວມມືການຄ້າໃຫຍ່ສຸດຂອງແຂວງ ກວາງຊີ ໃນຕະຫຼອດ 27 ປີຢ່າງລຽນຕິດ, ວົງເງິນການຄ້າສອງຝ່າຍລື່ນກາຍລະດັບ 300 ຕື້ຢວນ (ເທົ່າກັບ 44,7 ຕື້ໂດລາສະຫະລັດ) ເປັນຄັ້ງທຳອິດໃນປີ 2025.
