ວັນທີ 11 ກໍລະກົດ, ທ່ານນາຍົກລັດຖະມົນຕີ ຈີນ ຫຼີຊຽງ ມີການໄດ້ເຈລະຈາກັບຄູ່ຮ່ວມມືຕຳແໜ່ງ ທ່ານ Pak Thae Song ຢູ່ນະຄອນຫຼວງ ປັກກິ່ງ. ທີ່ການເຈລະຈາ, ທ່ານຫຼີຊຽງ ຢັ້ງຢືນ ການຮັກສາ ແລະ ພັດທະນາການພົວພັນ ຈີນ - ສປປ.ເກົາຫຼີ ແມ່ນນະໂຍບາຍສະເໝີຕົ້ນສະເໝີປາຍຂອງ ປັກກິ່ງ, ພ້ອມທັງສະແດງພ້ອມແລ້ວທີ່ຈະພ້ອມກັບພຽງຢາງ ເພີ່ມທະວີການແລກປ່ຽນຄະນະຜູ້ແທນຂັ້ນສູງ, ປັບປຸງຄວາມໄວ້ເນື້ອເຊື່ອໃຈດ້ານການເມືອງ, ເປີດກວ້າງການຮ່ວມມືເສດຖະກິດ - ການຄ້າ, ເຊື່ອມຕໍ່ພື້ນຖານໂຄງລ່າງ, ການແພດ, ການສຶກສາ ແລະ ພົບປະແລກປ່ຽນປະຊາຊົນ. ທ່ານຮຽກຮ້ອງໃຫ້ສອງປະເທດເພີ່ມທະວີການປະສານສົມທົບຍຸດທະສາດໃນການປົກປ້ອງບັນດາສິດ ແລະ ຜົນປະໂຫຍດອັນຊອບທຳກໍ່ຄືຄວາມສະເໝີພາບ, ຄວາມຍຸຕິທຳສາກົນ. ສ່ວນທ່ານນາຍົກລັດຖະມົນຕີ Pak Thae Song ຢັ້ງຢືນວ່າ ສປປ.ເກົາຫຼີ ເຫັນດີເປັນເອກະພາບເພີ່ມທະວີການແລກປ່ຽນຄະນະຜູ້ແທນຂັ້ນສູງ, ເປີດກວ້າງການຮ່ວມມືໃນບັນດາຂົງເຂດເສດຖະກິດ, ວິທະຍາສາດ ເຕັກໂນໂລຢີ, ວັດທະນະທຳ ແລະ ປະສານສົມທົບໃນບັນດາບັນຫາສາກົນ, ເນື່ອງໃນໂອກາດສະເຫຼີມສະຫຼອງ 65 ປີແຫ່ງວັນສົນທິສັນຍາມິດຕະພາບ, ການຮ່ວມມື ແລະ ໜູນຊ່ວຍກັນລະຫວ່າງສອງປະເທດ.
