ກໍໃນວາລະອັດກອງປະຊຸມ, ຄະນະບໍລິຫານງານສູນກາງພັກຮຽກຮ້ອງໃຫ້ທົ່ວພັກ, ທົ່ວປວງຊົນ, ທົ່ວກອງທັບສືບຕໍ່ເສີມຂະຫຍາຍມູນເຊື້ອຮັກຊາດ; ຄວາມສາມັກຄີ, ເປັນເອກະພາບ, ຮ່ວມແຮງຮ່ວມໃຈ; ຍົກສູງເຈດຈຳນົງເພີ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງ, ນະວັດຕະກຳ, ປະດິດຄິດສ້າງ, ມານະພະຍາຍາມສູ້ຊົນຜ່ານຜ່າຄວາມຫຍຸ້ງຍາກ, ສິ່ງທ້າທາຍ, ຕັດສິນໃຈປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ຂອງພັກກອມມູນິດ ຫວຽດນາມ ຢ່າງມີໄຊ.
ໃນວາລະເຮັດວຽກຂອງຕອນບ່າຍ ກ່ອນເວລາອັດກອງປະຊຸມ, ກອງປະຊຸມໄດ້ຮັບຟັງບົດລາຍງານຮັບເອົາຄຳເຫັນ, ອະພິປາຍຄຳເຫັນຂອງສູນກາງປຶກສາຫາລືສຳລັບກຸ່ມເນື້ອໃນກ່ຽວກັບວຽກງານກໍ່ສ້າງພັກ; ເສດຖະກິດ - ສັງຄົມ ແລະ ການພັດທະນາປະເທດຊາດ; ກ່ຽວກັບການກໍ່ສ້າງສັງຄົມປອດໄພ ແລະ ຄວາມສະຫງົບແຫ່ງຊາດ. ສູນກາງໄດ້ປຶກສາຫາລື, ປະກອບຄຳເຫັນໃສ່ບັນດາເນື້ອໃນດັ່ງກ່າວ ແລະ ລົງຄະແນນສຽງຮັບຮອງເອົາມະຕິກອງປະຊຸມຄັ້ງທີ 3 ຄະນະບໍລິຫານງານສູນກາກງພັກຊຸດທີ XIV.
ໃນກອງປະຊຸມຄັ້ງນີ້, ຄະນະບໍລິຫານງານສູນກາງພັກ ໄດ້ມີຄວາມຕົກລົງເປັນເອກະພາບສູງຕໍ່ແຜນນະໂຍບາຍ, ນະໂຍບາຍໃຫຍ່ຫຼາຍສະບັບກ່ຽວກັບການກໍ່ສ້າງພັກ, ລະບົບການເມືອງ, ການພັດທະນາ ແລະ ປົກປັກຮັກສາປະເທດຊາດ.
ກອງປະຊຸມໄດ້ຮັບຮອງເອົາເນື້ອໃນເອກະສານສຳຄັນຫຼາຍສະບັບ, ໃນນັ້ນມີ: ມະຕິວ່າດ້ວຍການປ່ຽນແປງໃໝ່ຮູບແບບພັດທະນາ ຫວຽດນາມ; ມະຕິວ່າດ້ວຍການສ້າງ ແລະ ພັດທະນາ ຫວຽດນາມ ກາຍເປັນປະເທດທະເລທີ່ເຂັ້ມແຂງ; ບົດສະຫຼຸບຂອງຄະນະບໍລິຫານງານສູນກາງພັກກ່ຽວກັບການສືບຕໍ່ປັບປຸງ, ເຄື່ອນໄຫວຮູບແບບຈັດຕັ້ງສັງລວມຂອງລະບົບການເມືອງ, ຮູບແບບອຳນາດການປົກຄອງທ້ອງຖິ່ນ 2 ຂັ້ນ ໃຫ້ສົມບູບແບບ.
