ໃນຂອບເຂດງານບຸນໝາກຖົ່ວລຽນ ດັກລັກ ປີ 2026, ຕອນບ່າຍວັນທີ 15 ສິງຫາ, ຄະນະກຳມະການປະຊາຊົນແຂວງ ດັກລັກ ແລະ ຄະນະກຳມະການປົກຄອງແຂວງ ຈຳປາສັກ, ລາວ ໄດ້ລົງນາມໃນຂໍ້ຕົກລົງຮ່ວມມືໄລຍະ 2026 – 2030, ສືບຕໍ່ຫັນການພົວພັນມິດຕະພາບ, ນ້ຳໃຈສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ທ້ອງຖິ່ນໃຫ້ປະກົດຜົນເປັນຈິງ.
ຕາມນັ້ນແລ້ວ, 2 ແຂວງຈະເພີ່ມທະວີການເຊື່ອມຕໍ່ວິສາຫະກິດ, ສົ່ງເສີມການຄ້າ, ການລົງທຶນ, ແບ່ງປັນບົດຮຽນໃນການຜະລິດ, ປຸງແຕ່ງຜະລິດຕະພັນກະເສດ ແລະ ສ້າງບັນດາຜະລິດຕະພັນທ່ອງທ່ຽວລວມ. ດັກລັກ ແລະ ຈຳປາສັກ ສູ້ຊົນນຳມູນຄ່າການຄ້າ - ການບໍລິການ 2 ຝ່າຍໃຫ້ເພີ່ມຂຶ້ນແຕ່ 15 – 20% ໃນແຕ່ລະປີ ແລະ ຊຸກຍູ້ການສ້າງໂຄງການລົງທຶນແຕ່ 5 – 10 ໂຄງການໃນເວລາ 5 ປີ.
ທ່ານ ຫງວຽນທຽນວັນ, ຮອງປະທານຄະນະກຳມະການປະຊາຊົນແຂວງ ດັກລັກ, ໃຫ້ຮູ້ວ່າ:
“ຂ້າພະເຈົ້າປາດຖະໜາວ່າ ການຮ່ວມມືດ້ານເສດຖະກິດຈະກາຍເປັນກຳລັງໜູນໃໝ່ໃນການພົວພັນລະຫວ່າງ 2 ແຂວງ, ຜ່ານການເພີ່ມທະວີການເຊື່ອມຕໍ່ວິສາຫະກິດ, ເປີດກວ້າງການຄ້າ, ສົ່ງເສີມການລົງທຶນ, ແບ່ງປັນປະສົບການໃນການຜະລິດ, ປຸງແຕ່ງຜະລິດຕະພັນກະເສດ ແລະ ສ້າງບັນດາໂຄງການ, ລາຍການຮ່ວມມືໃຫ້ເໝາະສົມເທື່ອລະກ້າວ ດ້ວຍທ່າແຮງຂອງແຕ່ລະທ້ອງຖິ່ນ”.
ພ້ອມກັບການຮ່ວມມືດ້ານເສດຖະກິດ, 2 ແຂວງ ຈະສືບຕໍ່ຍູ້ແຮງການຮ່ວມມືດ້ານກະສິກຳ, ແລກປ່ຽນວິທະຍາສາດເຕັກນິກ, ບຳລຸງສ້າງແຫຼ່ງຊັບພະຍາກອນມະນຸດ; ຮັກສາການພົບປະແລກປ່ຽນວັດທະນະທຳ, ການສຶກສາ, ເພີ່ມທະວີການສົມທົບກັນດ້ານຄວາມໝັ້ນຄົງ....
