ວັນທີ 07 ສິງຫາ, ພະແນກວັດທະນະທຳ, ກິລາ ແລະ ທ່ອງທ່ຽວແຂວງ ດັກລັກ ໄດ້ສົມທົບກັບສະໂມສອນຫົວໜ້າ Sales ແລະ Marketing ຫວຽດນາມ (CSMO ຫວຽດນາມ) ຈັດກອງປະຊຸມສຳມະນາສ້າງເຄື່ອງໝາຍຈຸດນັດພົບ ແລະ ຜະລິດຕະພັນທ່ອງທ່ຽວ.
ລາຍການທີ່ກອງປະຊຸມສຳມະນາ, ພະແນກວັດທະນະທຳ, ກິລາ ແລະ ທ່ອງທ່ຽວແຂວງ ດັກລັກ ໃຫ້ຮູ້ວ່າ ໃນໄລຍະ 6 ເດືອນຕົ້ນປີ 2026, ດັກລັກ ໄດ້ຕ້ອນຮັບແຂກທ່ອງທ່ຽວປະມານ 5,33 ລ້ານເທື່ອຄົນ, ເພີ່ມຂຶ້ນກວ່າ 37% ເມື່ອທຽບໃສ່ໄລຍະດຽວກັນຂອງປີກາຍ. ໃນນັ້ນ, ແຂກທ່ອງທ່ຽວສາກົນບັນລຸ 78.500 ເທື່ອຄົນ, ເພີ່ມຂຶ້ນເກືອບ 38%. ເມື່ອເນັ້ນໜັກເຖິງຄວາມສຳຄັນຂອງກອງປະຊຸມສຳມະນາໃນການສ້າງເຄື່ອງໝາຍການຄ້າຂອງແຂວງ, ທ່ານ ຫງວຽນເລວູ, ຮອງຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວແຂວງ ດັກລັກ, ໃຫ້ຮູ້ວ່າ:
“ບັນດາຄວາມຮູ້ຈາກກອງປະຊຸມນີ້ຈະຊ່ວຍໃຫ້ທ້ອງຖິ່ນເປັນເຈົ້າການໃນການສ້າງບັນດາຜະລິດຕະພັນທ່ອງທ່ຽວຢູ່ທ້ອງຖິ່ນຂອງຕົນ. ສິ່ງສຳຄັນທີ່ສຸດແມ່ນ ພວກເຮົານຳມາເຊິ່ງສິ່ງໃດໃຫ້ແກ່ແຂກທ່ອງທ່ຽວ; ແລະ ເມື່ອແຂກທ່ອງທ່ຽວມາຢ້ຽມຢາມເຂົາເຈົ້າຈະເກັບເອົາສິ່ງໃດໃຫ້ແກ່ຕົນເອງ. ຜ່ານນັ້ນ, ທ້ອງຖິ່ນຈະເປັນເຈົ້າການໃນການສ້າງຈຸດນັດພົບຂອງຕົນກວ່າ”.
