(ພາບ: government.ru)
ວັນທີ 07 ສິງຫາ, ຢູ່ ກີກິດສະຖານ (Kyrgyzstan) ສະພາລະຫວ່າງລັດຖະບານສະຫະພັນເສດຖະກິດ ອາຊີ - ເອີລົບ (EAEU) ດຳເນີນກອງປະຊຸມເປີດກວ້າງ, ສຸມໃສ່ການເພີ່ມທະວີການຮ່ວມມືດ້ານອຸດສາຫະກຳ, ການຄ້ຳປະກັນດ້ານສະບຽງອາຫານ, ພັດທະນາການຄ້າເອເລັກໂຕນິກ, ຫັນການຂົນສົ່ງເປັນດີຈີຕອນ ແລະ ສ້າງຕະຫຼາດການເງິນລວມ. ບັນດາປະເທດກໍ່ກວດກາຄືນເລື່ອງປະຕິບັດບັນດາຂໍ້ຕົກລົງການຄ້າລວມກັບຄູ່ຮ່ວມມື, ໃນນັ້ນມີ ຫວຽດນາມ.
ທີ່ກອງປະຊຸມ, ຫົວຂໍ້ກ່ຽວກັບທັນຍາຫານກໍ່ໄດ້ປຶກສາຫາລືຢ່າງເລິກເຊິ່ງໃນສະພາບການປ່ຽນແປງຂອງດິນຟ້າອາກາດ ແລະ ສະພາບຂາດນ້ຳ. ໃນຂົງເຂດ logistics, EAEU ສືບຕໍ່ຊຸກຍູ້ການຫັນການຂົນສົ່ງທາງລົດໄຟເປັນດີຈີຕອນ. ນອກນັ້ນ, ກອງປະຊຸມກໍ່ກວດກາຄືນຄວາມຄືບໜ້າການປະຕິບັດບັນດາຂໍ້ຕົກລົງດ້ານການຄ້າທີ່ພວມມີຜົນສັກສິດຂອງ EAEU ຕໍ່ ຫວຽດນາມ, ອີຣານ ແລະ ເຊັກເບຍ, ໃນນັ້ນສຸມໃສ່ແກ້ໄຂຮົ້ວກີດຂວາງດ້ານພາສີ, ປອດພາສີ.
ສິ້ນສຸດກອງປະຊຸມ, ບັນດາຝ່າຍໄດ້ຮັບຮອງເອົາເອກະສານ 6 ສະບັບ, ໃນນັ້ນສິ່ງທີ່ໜ້າສົນໃຈແມ່ນມີຂໍ້ຕົກລົງ 3 ສະບັບກ່ຽວກັບການຄ້າເອເລັກໂຕນິກ, ການປົກປ້ອງສິດຜົນປະໂຫຍດຂອງຜູ້ຂາຍ ແລະ ຜູ້ຊື້, ຜ່ານນັ້ນຊຸກຍູ້ການຮ່ວມມືລົງທຶນ ແລະ ສ້າງຕະຫຼາດການເງິນລວມ EAEU.
