ວັນທີ 15 ກັນຍາ, ສິ້ນສຸດເດືອນຈຸດສຸມຕ້ານການຂຸດຄົ້ນສິນທະເລແບບຜິດກົດໝາຍ, ບໍ່ລາຍງານ ແລະ ບໍ່ປະຕິບັດຕາມຂໍ້ກຳນົດ (IUU) ທີ່ໄດ້ຮັບການຜັນຂະຫຍາຍໃນຂອບເຂດທົ່ວປະເທດ (15/8-15/9). ມີຫຼາຍມາດຕະການສືບຕໍ່ໄດ້ຮັບການປະຕິບັດດ້ວຍຄວາມຕັດສິນໃຈຍົກເລີກບັດເຫຼືອງ ຂອງຄະນະກຳມະການເອີລົບ (EC). ເປົ້າໝາຍວາງອອກຂອງເດືອນຈຸດສຸມແມ່ນ 100% ກຳປັ່ນຫາປາມີເງື່ອນໄຂເຄື່ອນໄຫວຄົບຖ້ວນຕ້ອງເຊື່ອມຕໍ່ກັບລະບົບຕິດຕາມການເດີນເຮືອ(VMS) ແລະ ແຈ້ງໃນລະບົບຄົ້ນຫາຕົ້ນກຳເນີນເອເລັກໂຕນິກ, ບໍ່ປະໃຫ້ເກີດກໍລະນີກຳປັ່ນຫາປາລະເມີດເຂດທະເລຕ່າງປະເທດອີກ; ແກ້ໄຂບັນດາເອກະສານລະເມີດທີ່ຍັງຄົງຂ້າງຢ່າງເດັດຂາດ.
ຢູ່ຕາແສງຝຸອຽນ, ສະຖານທີ່ທີ່ມີກອງກຳປັ່ນຫາປາເຄື່ອນໄຫວສ່ວນຫຼາຍຢູ່ເຂດທະເລ, ທ່ານ ຫງວຽນຊວັນແກງ ປະທານຄະນະກຳມະການປະຊາຊົນຕາແສງຝຸອຽນ, ໃຫ້ຮູ້ວ່າ ວຽກງານຄຸ້ມຄອງກອງກຳປັ່ນໄດ້ຮັບການປະຕິບັດດ້ວຍການປະສານສົມທົບລະຫວ່າງ ອຳນາດການປົກຄອງ, ທະຫານຊາຍແດນ, ທ່າກຳປັ່ນ ແລະ ເຂດຕົວເມືອງ.
ຢູ່ກ໋ວາງຫງາຍ, ວຽກງານຕ້ານການຂຸດຄົ້ນ IUU ໂດຍແຂວງ ກ໋ວາງຫງາຍຜັນຂະຫຍາຍຢ່າງຂ້ຽວຂາດ, ໃນທຸກອາທິດ ຕ້ອງຕີລາຄາໝາກຜົນການປະຕິບັດ. ເພາະສະນັ້ນ, ທຸກຄວາມຫຍຸ້ງຍາກ, ຂໍ້ຕິດຂັດທີ່ກ່ຽວຂ້ອງເຖິງໜ້າທີ່ຕ້ານການຂຸດຄົ້ນສິນທະເລແບບຜິດກົດໝາຍ, ບໍ່ລາຍງານ ແລະ ບໍ່ປະຕິບັດຕາມຂໍ້ກຳນົດ ລ້ວນແຕ່ໄດ້ຮັບການແກ້ໄຂຢ່າງທັນການ. (IUU)
ພ້ອມກັນນັ້ນ, ຢູ່ທ້ອງຖິ່ນແຄມທະເລ ແລະ ເຂດພິເສດລີເຊີນ, ທະຫານຊາຍແດນແຂວງ ກ໋ວາງຫງາຍ ເພີ່ມທະວີການໃກ້ຊິດຕິດແທດກັບທ້ອງຖິ່ນ, ກັບປະຊາຊົນ, ແລະ ກຳປັ່ນ, ຮ່ວມເດີນທາງພ້ອມກັບຊາວປະມົງໃນການອອກທະເລແຕ່ລະຖ່ຽວພ້ອມທັງໂຄສະນາກ່ຽວກັບກົດໝາຍວ່າດ້ວຍສິນໃນນ້ຳ, ບັນດາຂໍ້ກຳນົດ IUU ເພື່ອໃຫ້ຊາວປະມົງກຳແໜ້ນຄວາມຮັບຜິດຊອບຂອງຕົນກວ່າອີກ.
