ຕາມຕົວເລກທາງການທີ່ປະກາດໃນວັນທີ 30 ມິຖຸນາ, ວິນາດຕະກຳແຜ່ນດິນໄຫວເຮັດໃຫ້ມີຜູ້ເສຍຊີວິດ 1.943 ຄົນ ແລະ ຜູ້ຖືກບາດເຈັບ 10.500 ຄົນ. ທ່ານ Christian Lindmeier ໂຄສົກ WHO ໃຫ້ຮູ້ວ່າ ບັນດາຮາກຖານສາທາລະນະສຸກປະເທດນີ້ພວມເຄື່ອນໄຫວເກີນກຳລັງແຮງ ຍ້ອນມີຈຳນວນຜູ້ບາດເຈັບຈຳນວນຫຼວງຫຼາຍໄດ້ສົ່ງມາປິ່ນປົວ. ຄວາມສ່ຽງເກີດລະບາດພະຍາດຕ່າງໆອາດສາມາດປ້ອງກັນດ້ວຍວັກຊິນ, ຄື: ພະຍາດໝາກແດງ ແລະ ຄໍຕີບ ພວມເພີ່ມຂຶ້ນ ຍ້ອນອັດຕາສັກວັກຊິນຢູ່ ເວເນຊູເອລາ ໄລຍະກ່ອນເກີດເຫດແຜ່ນດິນໄຫວແມ່ນຢູ່ໃນລະດັບຕ່ຳຢູ່ແລ້ວ. ໄປຄຽງຄູ່ກັນນັ້ນ, ປະເທດນີ້ ກໍ່ພວມປະເຊີນໜ້າກັບຄວາມສ່ຽງບັນດາພະຍາດຕິດແປດຜ່ານໂຕຍຸງ ແລະ ແຫຼ່ງນ້ຳ ກໍ່ເພີ່ມຂຶ້ນ.
ທ່ານນາງ Delcy Rodriguez ຮັກສາການປະທານາທິບໍດີ ເວເນຊູເອລາ ໃຫ້ຮູ້ວ່າ: ໂຮງໝໍ 38 ແຫ່ງໄດ້ຖືກຜົນກະທົບຈາກເຫດແຜ່ນດິນໄຫວ, ໃນຂະນະທີ່ໂຮງໝໍແຫ່ງຕ່າງໆທີ່ຍັງເຫຼືອຍັງສືບຕໍ່ຮັກສາການເຄື່ອນໄຫວ ແຕ່ຢູ່ໃນສະພາວະເກີນຂອບຂະໜາດກຳລັງ.
