(ພາບ: WSJ)
ວັນທີ 06 ກັນຍາ, ທ່ານ Mohsen Rezae, ເລຂາສະພາຄວາມໝັ້ນຄົງແຫ່ງຊາດສຸງສຸດ ອີຣານ ຖະແຫຼງວ່າ ອີຣານ ຈະສືບຕໍ່ປິດຊ່ອງແຄບທະເລ Hormuz, ກ່າວເຕືອນຈະເພີ່ມທະວີການໂຕ້ຕອບຢ່າງແຮງຖ້າຖືກ ອາເມລິກາ ເກາະຜິດ. ທ່ານຊີ້ແຈ້ງວ່າ ຊ່ອງແຄບທະເລ Hormuz ຈະບໍ່ໄດ້ເປີດຄືນອີກ ຖ້າອາເມລິກາ ບໍ່ປະລະນະໂຍບາຍເປັນປໍລະປັກຕ້ານ ອີຣານ. ພິເສດ, ທ່ານໄດ້ກ່າວເຕືອນວ່າ ປະເທດນີ້ຈະກຳນົດເຂດຖືກຈຳກັດຢູ່ອ້ອມຊ່ອງແຄບທະເລ Hormuz. ພາຫະນະໃດເດີນທາງເຂົ້າມາເຂດທີ່ຖືກກຳນົດວ່າ ຈຳກັດ, ຈະຖືກຈັດເຂົ້າໃນບັນຊີກຳປັ່ນລະເມີດ ແລະ ຖືກຫ້າມເດີນທາງໄປມາຜ່ານເຂດທະເລຂອງ ອີຣານ.
ຄຳກ່າວເຕືອນຂອງວົງການເຈົ້າໜ້າທີ່ ອີຣານ ໄດ້ຍົກອອກມາໃນສະພາບທີ່ໃນຊຸມມື້ຜ່ານມາ ບັນດາກຳລັງຂອງ ອາເມລິກາ ແລະ ອີຣານ ສືບຕໍ່ເກີດການປະທະກັນຢ່າງດຸເດືອດ. ໃນນັ້ນ, ສະເພາະການບຸກໂຈມຕີຂອງ ອາເມລິກາ ແນໃສ່ ອີຣານ ໃນຕອນຄ່ຳວັນທີ 03 ກັນຍາ, ໄດ້ເຮັດໃຫ້ຢ່າງໜ້ອຍສຸດມີ 18 ຄົນເສຍຊີວິດ ແລະ ກວ່າ 140 ຄົນຮັບບາດເຈັບ.
