ຕອນບ່າຍວັນທີ 19 ສິງຫາ,ຢູ່ນະຄອນເຫ້ວ, ສູນອະນຸລັກຮັກສາມໍລະດົກກຸງເກົ່າເຫ້ວ ໄດ້ປະສານສົມທົບກັບສະຖານບັນຄົ້ນຄ້ວາ ແລະ ພັດທະນາພະແມ່ ຫວຽດນາມ ຈັດຕັ້ງກອງປະຊຸມສຳມະນາວິທະຍາກ່ຽວກັບການຄຸ້ມຄອງ, ປົກປ້ອງ ແລະ ເສີມຂະຫຍາຍຄຸນຄ່າວັດທະນະທຳບໍ່ເປັນວັດຖຸງານບຸນ ວັງເຫ້ວນາມໃນຊີວິດແຫ່ງຍຸກສະໄໝ. ງານບຸນວັງເຫ້ວນາມແມ່ນການກິດຈະກຳວັດທະນະທຳທາງດ້ານຈິດວິນຍານທີ່ພົ້ນເດັ່ນຕິດພັນກັບຄວາມເຫຼື້ອມໃສໃນການເຊື່ອຖືພະແມ່ ອີອານາ ເຊິ່ງໄດ້ຈັດຂຶ້ນໃນເດືອນສາມ ແລະ ເດືອນ ເຈັດໄລ່ຕາມຈັນທະປະຕິທິນຂອງທຸກປີ ຢູ່ນະຄອນເຫ້ວ. ງານບຸນມີການປະສົມປະສານລະຫວ່າງຄວາມເຊື່ອຖືແບບພື້ນເມືອງ ແລະ ບັນດາປັດໄຈວັດທະນະທຳພະລາດຊະວັງເຫ້ວ. ຜ່ານຫຼາຍລຸ້ນຄົນ, ຊຸມຊົນຍັງຮັກສາການຈັດງານບຸນ 2 ຄັ້ງ/ປີ ດ້ວຍບັນດາພິທີກຳທີ່ເປັນປະເພນີ.
