ວັນທີ 31 ຕຸລາ, ຢູ່ ຮ່າໂນ້ຍ, ຫໍພິພິທະພັນຊົນເຜົ່າວິທະຍາ ຫວຽດນາມ (ສະຖາບັນດິດວິທະຍາສາດສັງຄົມ ຫວຽດນາມ) ສົມທົບກັບສູນຄົ້ນຄວ້າເພດຍິງພຸດທະສາສະໜາ (ສະຖາບັນດິດຄົ້ນຄວ້າພຸດທະສາສະໜາ ຫວຽດນາມ) ໄດ້ຈັດກອງປະຊຸມສຳມະນາວິທະຍາສາດດ້ວຍຫົວຂໍ້ວ່າ "ແມ່ຍິງກັບການອະນຸລັກຮັກສາ ແລະ ເສີມຂະຫຍາຍຄຸນຄ່າວັດທະນະທຳຂອງຊາດ" ເພື່ອເຮັດແຈ້ງການບັນດາການປະກອບສ່ວນຂອງແມ່ຍິງ ໃນການອະນຸລັກນັກຮັກສາ, ຖ່າຍທອດຄຸນຄ່າວັດທະນະທຳ ແລະ ສະເໜີມາດຕະການແກ້ໄຂໃນການອະນຸລັກຮັກສາມໍລະດົກໃນສະພາບການປະຈຸບັນ.
ກອງປະຊຸມສຳມະນາໄດ້ຮັບ ແລະ ຄັດເລືອກ 30 ກິດຈະກຳຄົ້ນຄວ້າຂອງບັນດານັກວິທະຍາສາດ, ນັກຊ່ຽວຊານຂຶ້ນກັບບັນດາສະຖາບັນຄົ້ນຄວ້າ, ມະຫາວິທະຍາໄລ ແລະ ອົງການວິຊາສະເພາະ. ບັນດາກິດຈະກຳໄດ້ສຸມໃສ່ສາມໝວດເນື້ອໃນ: ແມ່ຍິງ ກັບການອະນຸລັກຮັກສາ, ການຖ່າຍທອດຄຸນຄ່າທາງວັດທະນະທຳທີ່ເປັນມູນເຊື້ອ ແລະ ຄວາມຊົງຈຳດ້ານປະຫວັດສາດ; ແມ່ຍິງກັບການສົ່ງເສີມຄຸນຄ່າວັດທະນະທຳໃນຊີວິດປະຈຸບັນ; ວິທີການຄົ້ນຄວ້າ, ການເຄື່ອນໄຫວຫໍພິພິຈະພັນ ແລະ ບັນດາມາດຕະການແກ້ໄຂໃນການອະນຸລັກມໍລະດົກຕິດພັນກັບການພັດທະນາແບບຍືນຍົງ. ກອງປະຊຸມສຳມະນາແມ່ນໂອກາດເພື່ອໃຫ້ບັນດານັກວິທະຍາສາດແລກປ່ຽນໝາກຜົນການຄົ້ນຄວ້າ, ເພີ່ມເຕີມເອກະສານເສີມ ແລະ ປຶກສາຫາລືມາດຕະການອະນຸລັກຮັກສາ, ເສີມຂະຫຍາຍຄຸນຄ່າດ້ານວັດທະນະທຳທີ່ຕິດພັນກັບບັນດາການປະກອບສ່ວນຂອງແມ່ຍິງ.
