 ແຜ່ຂະຫຍາຍຈິດໃຈນັກຮຽນໃນປະຊາຊົນຊາວ ຫວຽດນາມ ອາໄສຢູ່ ສ.ເຊັກໂກ (ພາບ: ຫວຽດນາມ+) |
ນີ້ແມ່ນການເຄື່ອນໄຫວປະຈຳປີ ແນໃສ່ລະດົມກຳລັງໃຈ ແລະ ຮັບຮູ້ບັນດາຄວາມມານະພະຍາຍາມ ແລະ ຜົນງານ ເຊິ່ງຄົນລຸ້ນໜຸ່ມຊາວ ຫວຽດນາມ ອາໄສຢູ່ ເຊັກໂກ ບັນລຸໄດ້ໃນສົກຮຽນຜ່ານມາ.
ກ່າວຄຳເຫັນທີ່ພິທີ, ທ່ານ ໂຮ່ມິງຕ໋ວນ ເອກອັກຄະລັດຖະທູດ ຫວຽດນາມ ປະຈຳ ເຊັກໂກ ໄດ້ເນັ້ນໜັກວ່າ: ປະຊາຄົມຊາວ ຫວຽດນາມ ອາໄສຢູ່ ເຊັກໂກ ຍາມໃດກໍ່ໄດ້ຮັບການຮັບຮູ້ເປັນແບບຢ່າງຂອງປະຊາຄົມສາມັກຄີ, ໝັ້ນຄົງເຂັ້ມແຂງໃນຫລາຍຂົງເຂດ, ກໍ່ຄືປະກອບກຳລັງເຫື່ອແຮງໃນການປົກປັກຮັກສາຄວາມງາມທີ່ເປັນມູນເຊື້ອຂອງຊາດ ຫວຽດນາມ. ຕາມທ່ານເອກອັກຄະລັດຖະທູດແລ້ວ, ຍ້ອນພວກນ້ອງເອງ ແລະ ລຸ້ນຄົນຂອງພວກນ້ອງຈະແມ່ນຜູ້ປະກອບສ່ວນສຳຄັນປັບປຸງຄວາມຮັບຮູ້, ການຕີລາຄາຂອງສັງຄົມ ເຊັກໂກ ກ່ຽວກັບພາບພົດປະຊາຄົມຊາວ ຫວຽດນາມ ບໍ່ພຽງແຕ່ມີຄວາມເກັ່ງກ້າ, ປະສົບຜົນສຳເລັດໃນການດຳເນີນທຸລະກິດເທົ່ານັ້ນ ຫາກຍັງປະກອບສ່ວນທາງດ້ານພູມປັນຍາໃຫ້ສັງຄົມ ເຊັກໂກ ແລະ ບ້ານເກີດເມືອງນອນ ຫວຽດນາມ ຫລາຍພໍສົມຄວນ, ກໍ່ຄືເພີ່ມພູນຄູນສ້າງສາຍພົວພັນມິດຕະພາບລະຫວ່າງ 2 ປະເທດ ຫວຽດນາມ ແລະ ເຊັກໂກ ອີກດ້ວຍ.
