ຕອນເຊົ້າວັນທີ 20 ສິງຫາ,ຢູ່ສຳນັກງານສູນກາງພັກ (ຮ່າໂນ້ຍ), ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ໂຕເລິມ ໄດ້ໃຫ້ການຕ້ອນຮັບຄະນະຜູ້ແທນຂັ້ນສູງສະພາຄວາມໝັ້ນຄົງແຫ່ງຊາດ ຟີລິບປິນ ໂດຍທ່ານ Eduardo SL Oban Jr ທີ່ປຶກສາ ນຳໜ້າ, ພວມມີການຢ້ຽມຢາມ ແລະ ເຮັດວຽກຢູ່ ຫວຽດນາມ. ທີ່ການຕ້ອນຮັບ, ທ່ານເລຂາທິການໃຫຍ່, ປະທານປະເທດ ໂຕເລິມ ໄດ້ສະເໜີໃນສະພາບການໂລກ, ພາກພື້ນມີການຜັນແປທີ່ສັບສົນ, ຫວຽດນາມ ແລະ ຟີລິບປິນ ຕ້ອງສືບຕໍ່ປັບປຸງຄວາມໄວ້ເນື້ອເຊື່ອໃຈດ້ານການເມືອງໃຫ້ຫຼາຍກວ່າອີກ, ຍູ້ແຮງການຮ່ວມມື, ເພີ່ມທະວີຄວາມສາມັກຄີ, ເສີມຂະຫຍາຍບັນດາກົນໄກຮ່ວມມື, ຊຸກຍູ້ການລົງນາມໂຄງການກະທຳຜັນຂະຫຍາຍການພົວພັນຄູ່ຮ່ວມມືຍຸດທະສາດເພີ່ມທະວີ, ເພີ່ມທະວີການແລກປ່ຽນ, ໃຫ້ຄຳປຶກສາໃນບັນດາບັນຫາຍຸດທະສາດຢູ່ພາກພື້ນ, ໂລກ; ສືບຕໍ່ເພີ່ມທະວີການຮ່ວມມື, ສະໜັບສະໜູນຫຼັກໝັ້ນ, ທັດສະນະ ແລະ ບັນດາຂໍ້ລິເລີ່ມຂອງກັນໃນຂອບເຂດການຮ່ວມມື ອາຊຽນ ແລະ ພາກພື້ນ.
