ຕອນບ່າຍວັນທີ 9 ກັນຍາ, ຢູ່ຮ່າໂນ້ຍ, ສູນກາງສະຫະພັນ ຊາວໜຸ່ມ ຫວຽດນາມ ໄດ້ຈັດການພົບປະກັບສື່ມວນຊົນ, ເລີ່ມຕົ້ນຂະບວນການ ແລະ ການແຂ່ງຂັນ “ຊາວໜຸ່ມມີຊີວິດທີ່ສວຍງາມ” ປີ 2026. ການແຂ່ງຂັນໂດຍສູນກາງສະຫະພັນ ຊາວໜຸ່ມ ຫວຽດນາມ ຈັດຂຶ້ນເພື່ອແນໃສ່ເຊີດຊູບັນດາຊາວໜຸ່ມທີ່ມີວຽກເຮັດງານທຳ, ມີການກະທຳທີ່ດີ, ສະແດງໃຫ້ເຫັນຈິດໃຈສາມັກຄີ, ຮັກແພງເຊິ່ງກັນແລະກັນ ແລະ ມີຄວາມຮັບຜິດຊອບຕໍ່ຊຸມຊົນ, ສັງຄົມ. ການແຂ່ງຂັນໄດ້ຈັດຂຶ້ນແຕ່ປີ 2017, ມາຮອດປັດຈຸບັນ ໄດ້ເຊີດຊູຊາວໜຸ່ມ 212 ຄົນໃນທົ່ວປະເທດ. ຕາມຄະນະຈັດຕັ້ງແລ້ວ, ເປົ້າໝາຍເຂົ້າຮ່ວມແມ່ນສະມາຊິກຊາວໜຸ່ມ, ຊາວໜຸ່ມ ຫວຽດນາມ ທັງຢູ່ພາຍໃນ ແລະ ຕ່າງປະເທດ ໃນເກນອາຍຸແຕ່ 16 ຫາ 30 ປີ, ພະນັກງານຜູ້ຮັບຜິດຊອບ ຫຼື ບໍ່ຮັບຜິດຊອບວຽກງານຊາວໜຸ່ມ ແຕ່ 23 ຫາ 35 ປີ, ໃນກໍລະນີພິເສດແມ່ນບໍ່ເກີດ 40 ປີໂດຍສະພາການແຂ່ງຂັນພິຈາລະນາ.
