 ການພົບປະລະຫວ່າງສອງຝ່າຍ (ພາບ: VOV) |
ທີ່ການພົບປະ, ທ່ານເລຂາທິການໃຫຍ່ ຫງວຽນຝູຈ້ອງ ແລະ ທ່ານປະທານພັກປະຊາຊົນ ກໍາປູເຈຍ, ນາຍົກລັດຖະມົນຕີ ລາຊະອານາຈັກ ກຳປູເຈຍ ຮຸນແຊນ ໄດ້ແຈ້ງໃຫ້ການຊາບ ສະພາບການຂອງແຕ່ລະພັກ, ແຕ່ລະປະເທດ, ຕີລາຄາກ່ຽວກັບສະພາບການໂລກ, ພາກພື້ນ; ໝາກຜົນການຮ່ວມມືລະຫວ່າງສອງພັກ, ສອງລັດ ໃນໄລຍະຜ່ານມາ ແລະ ທິດທາງການຮ່ວມມືໃນໄລຍະຈະມາເຖິງ.
ທ່ານປະທານພັກປະຊາຊົນ ກໍາປູເຈຍ, ນາຍົກລັດຖະມົນຕີ ລາຊະອານາຈັກ ກຳປູເຈຍ ຮຸນແຊນ ຢັ້ງຢືນວ່າ ພ້ອມກັບການປັບປຸງ ແລະ ພັດທະນາການພົວພັນດ້ານການເມືອງແລ້ວ, ສອງຝ່າຍຕ້ອງເພີ່ມທະວີການຮ່ວມມືດ້ານເສດຖະກິດ, ການຄ້າ ເພື່ອຮັບໃຊ້ພາລະກິດພັດທະນາຂອງແຕ່ລະປະເທດ.
ນະທີ່ນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ກໍຕີລາຄາສູງຕໍ່ໝາກຜົນການຮ່ວມມືໃນຂົງເຂດເສດຖະກິດ, ການຄ້າ, ການລົງທຶນວັດທະນະທໍາ, ການສຶກສາ, ວິທະຍາສາດ - ເຕັກນິກ, ການປ້ອງກັນຊາດ - ປ້ອງກັນຄວາມສະຫງົບ, ພ້ອມທັງສະເໜີບາງທິດທາງການຮ່ວມມືລະອຽດລະຫວ່າງສອງປະເທດໃນໄລຍະຈະມາເຖິງ.
