 ກອງປະຊຸມສະມັດຊາບັນດາຜູ້ວ່າການກອງທຶນອາຊີ-ເອີລົບ(ASEF) ຄັ້ງທີ 37 ໄດ້ອັດລົງດ້ວຍຜົນສຳເລັດຢ່າງຈົບງາມ |
ໃນວາລະປະຊຸມເມື່ອຕອນເຊົ້າວັນທີ 1 ທັນວາ, ກອງປະຊຸມໄດ້ສຸມໃສ່ແລກປ່ຽນກ່ຽວກັບປະສິດທິຜົນການເຄື່ອນໄຫວ, ນຳສະເໜີທິດທາງບຸລິມະສິດຂອງກອງທຶນ ແລະ ຮັບຮອງເອົາບັນດາໂຄງການທີ່ຈະໄດ້ຮັບການຜັນຂະຫຍາຍໃນປີທີ່ຈະມາເຖິງ.
ກອງປະຊຸມໄດ້ເຫັນດີເປັນເອກະສັນໃນທົດສະວັດທີ 3, ASEF ຈະປະກອບສ່ວນເຂົ້າໃນຄວາມມານະພະຍາຍາມຂອງເວທີປາໄສຮ່ວມມືອາຊີ-ເອີລົບ (ASEM) ໃນການນຳໜ້າຊຸກຍູ້ການພົວພັນຄູ່ຮ່ວມມືອາຊີ-ເອີລົບ ແລະ ການຮ່ວມມືຫຼາຍຝ່າຍໃນສັງກາດດີຈີຕອນ, ຍູ້ແຮງການພົວພັນແລກປ່ຽນ, ເພີ່ມທະວີຄວາມເຂົ້າໃຈກັນ, ຮ່ວມມືໃນ 6 ຂົງເຂດບຸລິມະສິດຂອງ ASEF ຕິດພັນກັບການຫັນເປັນເຕັກໂນໂລຢີດີຈີຕອນ, ນີ້ຈະແມ່ນກຳລັງໜູນໃຫ້ແກ່ການເຊື່ອຕໍ່, ການເຕີບໂຕແບບຍືນຍົງ ແລະ ກວມລວມຂອງ ASEM .
ກອງປະຊຸມໄດ້ເຫັນດີເປັນເອກະສັນຮັບຮອງເອົາໂຄງການ 13 ສະບັບໃນ 6 ຂົງເຂດເພື່ອຜັນຂະຫຍາຍໃນປີ 2018. ທີ່ວາລະອັດກອງປະຊຸມ, ບັນດາຜູ້ວ່າການກອງທຶນໄດ້ຮັບຮອງເອົາບົດລາຍງານສະຫຼຸບກອງປະຊຸມ ແລະ ເຫັນດີເປັນເອກະສັນຈະໂຮມປະຊຸມຢູ່ ຣູມານີ ໃນປີ 2018. ພາຍຫຼັງດຳເນີນມາເປັນເວລາ 2 , ກອງປະຊຸມໄດ້ອັດລົງດ້ວຍຜົນສຳເລັດຢ່າງຈົບງາມ.
