(ພາບ: mofa.gov.vn)
ຍາມໃດ ຫວຽດນາມ ກໍ່ຖືການພົວພັນກັບອົງການຮ່ວມມື ຊຽງໄຮ (SCO) ແລະ ບັນດາປະເທດສະມາຊິກ ເປັນສຳຄັນ, ພ້ອມແລ້ວທີ່ຈະຕັ້ງໜ້າເຂົ້າຮ່ວມບັນດາການເຄື່ອນໄຫວຮ່ວມມືໃນຂອບເຂດ SCO. ນີ້ແມ່ນຄຳຢືນຢັນຂອງທ່ານນາງ ວໍທິແອັງຊວັນ, ຮອງປະທານປະເທດ ຫວຽດນາມ ທີ່ການພົບປະກັບທ່ານ Nurlan Yermekbayev, ເລຂາທິການໃຫຍ່ SCO, ໃນວັນທີ 31 ສິງຫາ, ຢູ່ນະຄອນ Bishkek, Kyrgyzstan, ເນື່ອງໃນໂອກາດເຂົ້າຮ່ວມກອງປະຊຸມສຸດຍອດເປີດກວ້າງ SCO. ທ່ານນາງກໍ່ຢືນຢັນວ່າ ຫວຽດນາມ ພ້ອມແລ້ວທີ່ຈະເສີມຂະຫຍາຍບົດບາດເປັນຂົວເຊື່ອມຕໍ່, ຊຸກຍູ້ການຮ່ວມມືລະຫວ່າງ ອາຊຽນ ແລະ SCO ແລະ ບັນດາກົນໄກຮ່ວມມືພາກພື້ນອື່ນໆ; ທ່ານກໍ່ສະເໜີໃຫ້ SCO ເພີ່ມທະວີຊຸກຍູ້ການຮ່ວມມືໃນບັນດາຂົງເຂດ, ຄື: ເສດຖະກິດ, ການຄ້າ, ວິທະຍາສາດ - ເຕັກໂນໂລຊີ, ນະວັດຕະກຳ…
ໃນວັນດຽວກັນ, ທີ່ການຕ້ອນຮັບທ່ານ Bakytzhan Sagintayev, ປະທານຄະນະກຳມະການເສດຖະກິດ ອາຊີ - ເອີລົບ (EAEU), ທ່ານນາງຮອງປະທານປະເທດ ວໍທິແອັງຊວັນ ເນັ້ນໜັກວ່າ ຕ້ອງຂຸດຄົ້ນສັນຍາການຄ້າເສລີ ຫວຽດນາມ - EAEU ໃຫ້ດີກວ່າອີກ ແລະ ຊຸກຍູ້ດ້ານການຄ້າ - ການລົງທຶນ; ສືບຕໍ່ຄົ້ນຄວ້າຍົກລະດັບ, ປັບປຸງສັນຍາໃຫ້ສອດຄ່ອງກັບສະພາບການໃໝ່.
ແລະກໍ່ໃນວັນທີ 31 ສິງຫາ, ທ່ານນາງຮອງປະທານປະເທດ ວໍທິແອັງຊວັນ ໄດ້ພົບປະກັບທ່ານ Sadyr Japarov, ປະທານາທິບໍດີ Kyrgyzstan. ເມື່ອປຶກສາຫາລືກ່ຽວກັບການຮ່ວມມື 2 ຝ່າຍ, ການນຳ 2 ທ່ານໄດ້ເຫັນດີເປີດກວ້າງການຮ່ວມມືໃນບັນດາຂົງເຂດທີ່ຍັງມີຄວາມສາມາດບົ່ມຊ້ອນຫຼາຍຢ່າງ, ຄື: ວິທະຍາສາດ - ເຕັກໂນໂລຊີ, ຄົມມະນາຄົມຂົນສົ່ງ, logistics, ວັດທະນະທຳ, ທ່ອງທ່ຽວ, ກິລາ ແລະ ການພົບປະແລກປ່ຽນປະຊາຊົນ.
(ພາບ: TTXVN)
ແລະກໍ່ໃນຂອບເຂດການໄປປະຕິບັດງານ, ວັນທີ 31 ສິງຫາ, ທ່ານນາງຮອງປະທານປະເທດ ວໍທິແອັງຊວັນ ໄດ້ເຂົ້າຮ່ວມພິທີເປີດສະຫຼອງອະນຸສາວະລີ ປະທານ ໂຮ່ຈີມິນ ຢູ່ສະໜາມຫຼວງ ໂຮ່ຈີມິນ, ນອນຢູ່ເຂດກະສົມ Royal Central Park, ນະຄອນຫຼວງ Bishkek.
